Wekelo 1

Woho Wakokayɛ Mbeya Kɛnɛ Kakɔlɔmba Nzambi

Awui akɔna w’ohomba efula watanema lo Bible? (1)

Ele kiɔkɔ yatɔ? (2)

Lande na kahombayɛ mbeka Bible? (3)

1. Bible ekɔ losha l’ohomba efula l’oma le Nzambi. Tɔ kekɔ oko mukanda wofunde ombutshi wa ngandji anande. Tɔ totɛka mɛtɛ k’endana la Nzambi​—⁠woho w’onto wende ndo tewoyaka ɛlɛmbɛ ande. Tɔ nembetshiyaka woho wakokaso ndɔshana l’ekakatanu wa lo lɔsɛnɔ ndo woho wa kondja ɔngɛnɔngɛnɔ wa mɛtɛ. Bible twamɛmɛ totɛka kɛnɛ kahombaso ntsha dia ngɛnyangɛnya Nzambi.​—⁠Osambu 1:​1-3; Isaya 48:​17, 18.

2. Bible kakafundama tatɛ oma l’ɔnɔnyi 1513 N.T.D. oma le anto amɔtshi 40 wotshikitanyi l’edja kolekanyi ɛnɔnyi 1 600. Tɔ kengama la tobukubuku 66. Wanɛ wakafunde Bible wakasokoyama oma le Nzambi. Tokanyi tande mbakawafunde, koko aha takiwɔ hita. Omalɔkɔ, Nzambi ka l’olongo mbele Kiɔkɔ ya Bible, koko aha onto ɔmɔtshi lɛnama lanɛ la nkɛtɛ.​—⁠2 Timote 3:​16, 17; 2 Petero 1:​20, 21.

3. Nzambi akasale woho wa Bible sangɔma ndo mombama dimɛna. Bible efula yambofundama oleki abuku akina. Aha onto tshɛ mbayokenda la sso di’ɔlɔlɔ lam’eyɛ lo mbeka Bible, koko totshikɛke otakanya ɔsɔ dihole dia vɔ koshimba. Dia wɛ kondja lɔsɛnɔ la pondjo, wɛ pombaka mbeka dia mbeya Nzambi ndo sala lolango lande oyadi ɛhɛnyɔhɛnyɔ akɔna wayokokomɛ.​—⁠Mateu 5:​10-12; Joani 17:⁠3.