Woho wa mbisha anto periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 6, 15

“Efula kaso mbetshaka wenya efula lo kamba olimu. Anto amɔtshi mbɔsaka dikambo sɔ oko ɔtshɔkɔ; akina diɔsaka oko mananu. Akanayɛ lo dikambo sɔ na? [Tshikande akadimole. Oma lâsɔ, adia Undaki 2:24.] Periodikɛ kɛnɛ mɛnyaka woho wakoka Bible tokimanyiya dia sho monga la kanyi yele la wɛdimo lo dikambo di’olimu. Tɔ mɛnyaka nto woho wa ndɔshana la ekiyanu wendana la olimu.”

Réveillez-vous! Ngɔ. ka 6, 22

“Onde wɛ fɔnyaka dia tshunda diaso di’anto diayonga dihole dia dimɛna efula naka onto tshɛ ndjela ɛtɛkɛta ɛnɛ? [Adia Efeso 4:28. Oma lâsɔ, tshikande akadimole.] Periodikɛ kɛnɛ mɛnyaka etombelo wa kɔlɔ waya oma lo wovi wa l’ahole wasondjawɔ diangɔ. Tɔ mɛnyaka nto woho wayangashila wovi wa l’ahole wasondjawɔ diangɔ, ndo akambo akina wa kɔlɔ.”

Tshoto y’Etangelo Ngɔ. ka 7, 1

“Sho tshɛ mbeyaka anto amɔtshi wɛnama di’oko wambotondoya nsɛnɔ yawɔ ko tete le wekɔ lo ndjaoka oko wekɔ lo pomba ema kɛmɔtshi lo nsɛnɔ yawɔ. Afɔnyayɛ atawayange na? [Tshikande akadimole. Oma lâsɔ, adia Mateu 5:⁠3.] Periodikɛ kɛnɛ tɛkɛtaka dia dikambo di’ohomba efula dia monga la wɔladi wa l’etei k’otema, mbuta ate kotsha ehomba aso wa lo nyuma.”

Réveillez-vous! Ngɔ. ka 7, 8

“Nshi nyɛ yele shɛmanedi yekɔ lo mɛnama efula l’ahole w’olimu, pomba olimu ekɔ okakatanu a woke. Periodikɛ kɛnɛ mɛnyaka akambo atanu w’ohomba efula wakoka kimanyiya onto dia tana olimu. [Tɔtɔmiya ɛtɛ wa awui wahɔnyi wofundami lo alɛta w’edima efula wata ɔnɛ: “Akambo atanu w’ohomba efula dia tana olimu.”] Tɔ mbishaka nto alako w’eshika wendana la woho wa kokɛ olimu.” Adia divɛsa dia Tukedi 22:​29, dioshilami lo lɛkɛ 10.