Woho wa mbisha anto periodikɛ

Tshoto y’Etangelo Ngɔ. ka 6, 1

“Onde wɛ fɔnyaka dia Nzambi mbetawɔka ɛtɛmwɛlɔ tshɛ? [Tshikande akadimole.] Ekɔ dimɛna efula dia mɛna woho wakasale Nzambi etena kakasale ase Isariyɛlɛ ditshelo dia l’ɛtɛmwɛlɔ diakasalaka wedja wakâdinge. [Adia Ezekiyele 6:⁠6.] Sawo nɛ kadimolaka lo dimbola nɛ: ‘Onde woho watɛmɔlaso Nzambi ekɔ ohomba?’ ” Tɛkɛta dia sawo diotate lo lɛkɛ 9.

Réveillez-vous! Ngɔ. ka 6

“Aha la tâmu wɛ kokaka mbetawɔ dia nshi yele onto l’ɛnɔnyi dikumi l’ɛmɔ mongaka etena k’ekakatanu efula djekoleko le ana wele l’ɛnɔnyi akɔ kâmɛ ndo le ambutshi awɔ. Onde wɛ fɔnyaka dia naka onto ndjela dako nɛ nde ayohamia akoka ande wa mbodia ana dimɛna? [Adia Jakoba 1:19. Oma lâsɔ tshikande akadimole.] Wɛ ayɔngɛnangɛna alako w’eshika w’oma lo Bible wele lo periodikɛ kɛnɛ.”

Tshoto y’Etangelo Ngɔ. ka 7, 1

“Sho tshɛ tambokaka kandji kaya oma lo mvusha onto ɔmɔtshi lokaso ngandji. Onde wɛ fɔnyaka dia Bible kokaka kimanyiya onto lo tena dia ngasɔ? [Tshikande akadimole. Oma lâsɔ adia Osambu 55:22.] Periodikɛ kɛnɛ mɛnyaka alako amɔtshi w’eshika wɔtɛkɛtami lo Bible wakoka kimanyiya onto dia nde mbikikɛ kandji kɛsɔ.”

Réveillez-vous! Ngɔ. ka 7

“Anto wotshukanyi wekɔ la ekakatanu efula ndo awala efula komɛka lo odiakelo wa diwala. Onde wɛ fɔnyaka dia kitanyiya dako nɛ ayokimanyiya atshukanyi dia vɔ tondoya diwala diawɔ? [Adia Tukedi 12:18. Oma lâsɔ tshikande akadimole.] Periodikɛ kɛnɛ mɛnyaka atɔndɔ akina w’oma lo Bible wakoka kimanyiya atshukanyi dia vɔ keketsha diɔtɔnganelo diawɔ.”