Osambo 63
Tongake nshi tshɛ la kɔlamelo
Okanda wa l'akatshi
1. Tongake la kɔlamelo
Ndo la ngandji le Shɛso.
Teke wadjango wakinde
Nɛ dia wahɔ wakiso.
Sho tayokitanyiyaka
Alako wande nshi tshɛ.
Nde ekɔ la kɔlamelo,
Towɛkamake nshi tshɛ.
2. Tongake la kɔlamelo
Nshi tshɛ le anangɛso.
Towaɛnyake ngandji kaso
Oma lo etsha waso.
Tɔlɛmiya anangɛso
Tshɛ l’otema ɔtɔyi.
Aha sho kakitɔn’awɔ
Kânga lushi ɔtɔyi.
3. Tongake la kɔlamelo
Le wanɛ walɔmbɔla.
Lama watɔlɔmbɔlawɔ,
Tonge l’okitanyiya.
Nzambi ayotɔtshɔkɔla
Ndo ayotosha wolo.
Le Jehowa mbahombaso
Monga la kɔlamelo.
(Enda ndo lo Osam. 149:1; 1 Tim. 2:8; Heb. 13:17.)