ETENYI 1

Ngande wahokamɛso Nzambi?

Nzambi tɛkɛtaka la so lo tshimbo ya Bible. 2 Timɔte 3:16

Oma lo kiti kande ka l’olongo, Jehowa akasha anto nyuma kande dia vɔ mfunda Bible

Nzambi ka mɛtɛ akatshutshuya anto dia vɔ mfunda tokanyi tande lo dibuku dimɔtshi di’ekila. Dibuku diakɔ ko: Bible. Diɔ diekɔ la awui efula w’ohomba walanga Nzambi dia wɛ mbeya.

Nzambi mbeyaka kɛnɛ koleki dimɛna le so ndo nde mbele Kiɔkɔ ya lomba tshɛ. Lo mbohokamɛ, wɛ ayokoma mɛtɛ kanga lomba.—Tokedi 1:5.

Bible l’ɛtɛkɛta efula; pami kɛmɔtshi adia Bible l’ɔtɛkɛta ande

Nzambi nangaka dia onto tshɛ lele la nkɛtɛ mbadia Bible. Ɛlɔ kɛnɛ, tɔ tanemaka lo ɛtɛkɛta efula.

Naka wɛ nangaka mpokamɛ Nzambi, kete wɛ pombaka mbadia Bible ndo kishihodia.

Anto wa l’ahole tshɛ wekɔ lo mpokamɛ. Mateo 28:19

Ɔmɛnyi wa Jehowa ɔmɔtshi adiɛ pami kɛmɔtshi divɛsa dimɔtshi, oma laasɔ vɔ weka Bible

Ɛmɛnyi wa Jehowa kokaka kokimanyiya dia wɛ nshihodia Bible.

Lo nkɛtɛ k’otondo, vɔ wekɔ lo mbetsha akambo wa mɛtɛ wendana la Nzambi.

Losanganya lɔmɔtshi lo Mbalasa ka Diolelo k’Ɛmɛnyi wa Jehowa

Wɛ hatofuta kaanga pata dia nkondja wetshelo ɔsɔ. Wɛ kokaka nto mbeka akambo wendana la Nzambi lo Mbalasa ka Diolelo k’Ɛmɛnyi wa Jehowa ka lo ngelo kanyu.