Tewɔ la yambalo tshɛ diaha ndjaatakanya ndo ntakanya anto akina

Yeso akakambe la wɛɛla dia mbetsha wetshelo w’ohomba waha ndjaatakanya kana ntakanya anto akina.

18:6, 7

• “Otamba wa ntakanya” mendanaka la dui dimɔtshi kana diaaso dia nkonya onto ɔmɔtshi dia ndjela mboka ka kɔlɔ, dia ntakana kana nkɔ lo lɔkɛwɔ la mindo kana lo pɛkato

• Onto latakanya onto okina, ayoleka dimɛna mbokeleka dive di’ɔhɛlɔ lo nkingo kande ko mbotambiya lo ndjale

18:8, 9

• Yeso akalake ambeki ande dia minya oyadi kaanga ɛngɔ ka nɛmɔ ɛnyɛlɔ oko lonya kana sso naka tɔ mbaatakanyaka

• Ndeka dimɛna aha monga la ɛngɔ kalangema efula ka ngasɔ ndo mbɔtɔ lo Diolelo dia Nzambi lo dihole dia ntshikala la tɔ ko ntshɔ lo Ngɛhɛna, mbuta ate didjidji di’elanyelo ka pondjo

Ɛngɔ kakɔna lo lɔsɛnɔ lami kakoka monga otamba wa ntakanya, ndo ngande wakokami ntetemala ndjalama diaha ndjaatakanya ndo ntakanya anto akina?