Awui wa mɛtɛ ndo wetawoya

Luka 1:3

LO TSHENA PE: Kamba la waa rɛferansɛ wele mɛtɛ dia nkimanyiya ampokami ayɛ dia vɔ mboka dimɛna.

WOHO WA NSALA DUI SƆ:

• Kamba l’awui w’oma l’ahole w’eshika. Elembetshielo ayɛ watombe oma l’Ɔtɛkɛta wa Nzambi, lo mbadia mbala kakɔ ɔtɔi oma lɔkɔ naka kokaka. Naka wɛ ayokamba la dui dimɔtshi di’ase siansɛ, awui amɔtshi wa lo tita nsango, dui dimɔtshi diakete kana awui akina, kete tendji dimɛna la ntondo dia kana kiɔkɔ yɔshiyɛ awui akɔ yekɔ ya mɛtɛ ndo awui akɔ watete loowe.

• Kamba dimɛna l’ahole wɔshiyɛ awui. Lembetshiya avɛsa lo yoho yɔtɔnɛ l’avɛsa wosukanyi, la losango l’otondo la lo Bible ndo la ekanda wa “ɔhɔmbɔ wa kɔlamelo ndo kɛsɔ.” (Mat. 24:45) Kamba dimɛna l’awui wahɔsami oma lo Bible aha la ntshikitanya losango kana ntɛkɛta dui diotshikitanyi la kɛnɛ kakalange ofundji mbuta.

• Kana yimba l’ampokami lo tolembetelo tɛnama. L’ɔkɔngɔ wa mbadia divɛsa kana mbuta oma lɛnɛ ɔsami awui amɔtshi, oka ambola kana sha ɛnyɛlɔ dia nkimanyiya ampokami dia vɔamɛ dishihodia dimɛna.