WEKELO 1

Mbɔtwɛlɔ ka dimɛna

Etsha 17:22

LO TSHENA PE: Mbɔtwɛlɔ kayɛ pombaka memula nsaki, mɛnya kɛnɛ kayangayɛ ntɛkɛta ndo lande na kahomba ampokami ayɛ ndjasha lɔkɔ.

Emula nsaki. Sɔna dimbola, etelo kana dui dimɔtshi dia mɛtɛ diakasalema kana awui amɔtshi wa lo tita nsango wayɔngɛnyangɛnya ampokami ayɛ.

Ntondo, kana yimba efula lo kɛnɛ kayasha ndo kayakiyanya ampokami ayɛ ndo ɔtɔnganyiya mbɔtwɛlɔ kayɛ l’awui asɔ.
Ɛnya kɛnɛ kalangayɛ ntɛkɛta. Yashikikɛ dia mbɔtwɛlɔ kayɛ ayokimanyiya ampokami ayɛ dia nshihodia dimɛna kɛnɛ kayangayɛ ntɛkɛta ndo oyango wa sawo diayɛ.
Ɛnya lande na kele dui sɔ diekɔ ohomba. Ɔtɔnganyiya kɛnɛ katɛkɛtayɛ la ehomba shikaa wele l’ampokami ayɛ. Vɔ pombaka nshihodia dimɛna woho wakoka awui akɔ mbaakimanyiya.

Etena kalɔngɔsɔlayɛ sawo dimɔtshi, yambola ɔnɛ: ‘Awui akɔna wahomana l’anangɛso l’akadiyɛso wa l’etshumanelo?’ Oma laasɔ, ɔtɔnganyiya mbɔtwɛlɔ kayɛ la ehomba awɔ.