Onga oko onto lasawola l’onto

2 Kɔrɛtɔ 2:17

LO TSHENA PE: Tɛkɛta woho wokoyɔtɛkɛtaka, lo yoho yakɛnɛmɔla l’otema ɔtɔi woho wayaokayɛ lo kɛnɛ kendana la sawo ndo l’ampokami ayɛ.

WOHO WA NSALA DUI SƆ:

• Yalɔngɔsɔla dimɛna dimɛna lo dɔmbɛlɔ. Lɔmba Nzambi dia kokimanyiya dia wɛ ndjasha, aha le yɛ wɛmɛ koko lo losango layɛ. Shihodia dimɛna awui woleki ohomba wahombayɛ mɔmbɔla. Tɛkɛta l’ɛtɛkɛta ayɛ hita, koko aha tsho kalolɛ tshɛkɛta lo tshɛkɛta kɛnɛ kofundami.

• Tɛkɛta oma k’ɛse otema. Kanyiya lande na kahomba ampokami ayɛ mboka losango lakɔ. Yasha le wɔ. Oma laasɔ, woho wemadiyɛ, tɔjɛstɛ, ɛnamelo k’elungi kayɛ ayɔkɛnɛmɔla nsaki ndo lɔngɛnyi la mɛtɛ.

• Endaka ampokami ayɛ. Endaka ampokami ayɛ lɛnɛ ele dui sɔ bu kɔlɔ. Etena kashayɛ sawo, enda onto l’onto lo tshanda mɔtshi lo dihole dia mbokaka tsho ampokami tshɛ sso.