DIMBOLA 7
Kakɔna kakatatshi Bible lo dikambo dia nshi yaso nyɛ?
“Wodja wayɔlɔsha wodja okina ndo diolelo diayɔlɔsha diolelo dikina . . . Akambo asɔ tshɛ wekɔ etatelo k’asui.”
“Amvutshi efula wa kashi wayoya ndo wayonganyiya anto efula; ndo lam’ele ɛɔnywɛlɔ k’ɛlɛmbɛ kayofula, ngandji k’anto efula kayɔla.”
“Lam’ayonyoka awui w’ata ndo nkumu y’ata, tanyokake wɔma; akambo asɔ pombaka salema, koko ekomelo kataye.”
“Adidimu wa nkɛtɛ wa wolo wayoyala, ndjala ya kasha ndo elando lo dihole la dihole; akambo wa wɔma wayoyala ndo tolembetelo ta weke tayɛnama oma l’olongo.”
“Lo nshi y’ekomelo, tena dia paa dia wolo mbikikɛ diayoyala. Nɛ dia anto wayoyalanga, wayolanga falanga, wayonga akanga w’etako, akanga wa lotamanya, atɛnganyi, wahakitanyiya awui w’ambutshi awɔ, akanga wa lɔhɛndɛ, waha la kɔlamelo, waha la ngandji ka lam’asa ase nkumbo, wahalange mbokana, amamanyishi, waha la ndjakimɛ, akanga w’ekonda, waha la ngandji k’akambo w’ɛlɔlɔ, afungi, akanga w’ɛtɛ wolo, akanga wa ndjadiya, anangi w’ɛngɛnɔngɛnɔ lo dihole dia monga anangi wa Nzambi, wayonga la ɛnamelo k’anto wayasha l’awui wa Nzambi, koko wayanguna wolo ande.”