ƆKƆNDƆ 68

Ana w’apami ahende wambolɔ

NAKA wɛ ambovɔ, woho akɔna wayonga nyɔ naka wambokolola na? Nde ekɔ la dia ndjâla l’ɔngɛnɔngɛnɔ efula! Ko onde onto lambovɔ kokaka mbolɔ ondo? Onde dikambo sɔ diambosalemaka oka?

Ohenda pami kele lanɛ, la omoto ndo dikɛnda dia pami ndo. Pami kengo omvutshi Elidja mbende. Omoto ongo ekɔ wadiaki odo la l’osomba wa Zarefata, ndo dikɛnda dia pami ndo ɔnande mbende. Lushi lɔmɔtshi dikɛnda dia pami ndo akatate hemɔ. Hemɔ kakatahekaka ko peka edja ndo nde akavu. Ko Elidja akatɛ omoto akɔ ate: ‘Ombisha ɔnayɛ.’

Elidja akɔsɛ odo w’ɔna akadɛ lande lo luudu la ladiko ko nde towetanya lo mbeto. Ko nde akalɔmbɛ ate: ‘Jehowa lee, olola ɔn’ɔnɛ.’ Ko ɔna akolɔ! Ko Elidja akaholɔ lande, akawosha omoto akɔ ata ate: ‘Enda ɔnayɛ ambolɔ!’ Diɔ dingo diele nyango l’ɔngɛnɔngɛnɔ efula.

Omvutshi okina wa Jehowa wakawelɛka Elisha akikɔ. Nde akakambaka oko okimanyedi w’Elidja. Koko Jehowa akayowosha ndo nde wolo wa sala ahindo. Lushi lɔmɔtshi Elisha akatshu l’osomba wa Shunɛma, lɛnɛ aki omoto ɔmɔtshi lakolongolaka dimɛna efula. L’ɔkɔngɔ diko, omoto akɔ akote ɔna pami.

Lushi lɔmɔtshi la pindju, lâsɔ ko ɔn’akɔ ambola, nde akatshu la tênda she l’ekambɔ. La shashimoya, ɔna akatatɛ mbida ekoko ate: ‘L’ɔtɛ lee!’ Lam’akawakome lande la ngelo, nde akavu. Ande nyango kandji lee! Nde akatshu esadi la toyanga Elisha.

Lam’akakome Elisha, nde akɔ̂tɔ lo luudu l’odo w’ɔna. Nde akalɔmbɛ Jehowa ndo akashama lâdiko di’odo. Kem’edja demba di’ɔna diakahɛtɛ ko nde akakashiya mbala esambele. Ande ɔlɔ wakoke nyango lam’akandɔtɔ ko tana ɔnande asɛna lee!

Anto efula heyama wambovɔka. Dikambo sɔ diekɔ lo nyangiya nkumbo yawɔ la angɛnyi awɔ mɛtɛ. Sho kema la wolo wa mbolola wanɛ wambovɔ. Koko Jehowa ekɔ la wolo. L’ɔkɔngɔ mbayoteya woho wayondolola miliyɔ y’anto oma lo nyɔi.

1 Khumi ya Dikanga 17:​8-24; 2 Khumi ya Dikanga 4:​8-37.