LAEBORARI YA MO INTERNET

2 Samuele 7:8

Baebele ya Thanolo ya Lefatshe le Lesha
- 8 Jaanong raya motlhanka wa me Dafide o re, ‘Seno ke se Jehofa wa masomosomo a se buang: “Ke ne ka go tsaya kwa mafulong, o setse letsomane morago,+ gore o nne moeteledipele wa batho ba me ba Iseraele.+

2 Samuele 7:16

Baebele ya Thanolo ya Lefatshe le Lesha
- 16 Losika lwa gago le bogosi jwa gago di tla sirelediwa ka bosakhutleng fa pele ga gago; setulo sa gago sa bogosi se tla tiisiwa thata ka bosakhutleng.”’”+

Pesalema 89:28, 29

Baebele ya Thanolo ya Lefatshe le Lesha
- 28 Ke tla mmontsha lorato lo lo sa kgaotseng ka bosakhutleng,+
  Mme kgolagano e ke e dirileng le ene ga e kitla e kgaotsa.+
  
  29 Ke tla dira gore losika lwa gagwe lo nne ka bosakhutleng
  E bile ke tla dira gore setulo sa gagwe sa bogosi se nnele ruri jaaka magodimo.+

Jeremia 33:25, 26

Baebele ya Thanolo ya Lefatshe le Lesha
- 25 “Seno ke se Jehofa a se buang: ‘Fela jaaka kgolagano e ke e dirileng le motshegare le bosigo e sa fetoge,+ le melao ya legodimo le lefatshe e sa fetoge,+ 26 ka tsela e e tshwanang lefoko la me ga le fetoge la gore ga nkitla ke latlha losika lwa ga Jakobe le lwa motlhanka wa me e bong Dafide, mme ke tla tlhopha babusi mo losikeng lwa gagwe ba ba tla busang ditlogolwana* tsa ga Aborahame, Isake le Jakobe. Gonne ke tla phutha batho ba bone ba ba neng ba isitswe botshwarwa+ ke bo ke ba tlhomogela pelo.’”+

Ditiro 13:34

Baebele ya Thanolo ya Lefatshe le Lesha
- 34 Modimo o ne a mo tsosa mo baswing gore a se ka a tlhola a boela kwa go boleng. Modimo o ne a bontsha gore seo se boammaaruri fa a ne a re: ‘Ke tla lo naya mafoko a a ikanyegang* a lorato lo lo sa kgaotseng a ke neng ka a solofetsa Dafide.’+