Dipesalema
Go mokaedi. Pina ya ga Dafide, fa moporofeti Nathane a ne a ya kwa go ene fa Dafide a sena go tlhakanela dikobo le Bathe-sheba.+
51 Nkutlwele botlhoko, tlhe Modimo, go ya ka lorato lwa gago lo lo sa kgaotseng.+
Phimola maleo a me go ya ka kutlwelobotlhoko ya gago e kgolo.+
Ka jalo, o siame fa o bua,
Le katlholo ya gago e siame.+
5 Ke tsholetswe mo boleong,
Ke ne ke le moleofi go tloga ka nako ya fa ke le mo popelong ya ga mmê.+
6 O itumedisiwa ke motho yo o buang boammaaruri mo pelong;+
Ruta pelo ya me botlhale jwa boammaaruri.
7 Intshekise mo boleong jwa me ka mosiama, gore ke tle ke nne phepa;+
Ntlhapise, gore ke tle ke nne mosweu go feta kapoko.+
8 Ntetle gore ke utlwe medumo ya boipelo le ya boitumelo,
Gore marapo a o a thubagantseng a tle a itumele.+
10 Nthuse gore ke eletse go dira se se siameng,* tlhe Modimo,+
Mme o fetole tsela e ke akanyang ka yone+ gore ke kgone go ikanyega.
11 O se ka wa ntlosa fa pele ga gago;
E bile o se ka wa ntsha moya wa gago o o boitshepo mo go nna.
12 Busetsa boitumelo jo ke neng ke na le jone fa o ne o mpoloka;+
Ntlhotlheletse gore ke nne le keletso ya go go ikobela.*
13 Ke tla ruta badirabosula ditsela tsa gago,+
Gore baleofi ba tle ba boele kwa go wena.
14 Nkgolole mo molatong wa madi,+ tlhe Modimo wa poloko ya me,+
Gore loleme lwa me lo bolele ditiro tsa gago tse di siameng ka boitumelo.+
15 Ao tlhe Jehofa, nthuse gore ke bue,
Gore ke go bake.+
16 Gonne ga o batle setlhabelo, go seng jalo ke ne ke tla se ntsha;+
Ga o itumedisiwe ke setlhabelo se se fisiwang se feletse.+
17 Ditlhabelo tse di itumedisang Modimo ke moya o o ngomogileng;
Modimo, ga o kitla o tlhokomologa* pelo e e phatlogileng le e e gateletsweng.+
18 Ke kopa gore o direle Siona se se molemo;
Aga dipota tsa Jerusalema.
19 Ke gone o tla itumedisiwang ke ditlhabelo tsa tshiamo,
Ditlhabelo tse di fisiwang le ditlhabelo tse di feletseng;
Ke gone dipoo di tla ntshiwang setlhabelo mo sebesong sa gago.+