Dipesalema

145 Ke tla go tlotlomatsa, wena Modimo wa me Kgosi,+

Ke tla baka leina la gago ka bosakhutleng le go ya go ile.+

 2 Ke tla go baka letsatsi lotlhe;+

Ke tla baka leina la gago ka bosakhutleng le go ya go ile.+

 3 Jehofa o mogolo e bile o tshwanelwa ke pako yotlhe;+

Bogolo jwa gagwe ga bo ka ke jwa tlhaloganngwa.+

 4 Dikokomana ka go latelana di tla baka ditiro tsa gago;

Di tla itsise ditiro tsa gago tse dikgolo.+

 5 Di tla bua ka bontlentle jwa kgalalelo ya bogolo jwa gago+

Mme ke tla akanyetsa kwa teng ka ditiro tsa gago tse di gakgamatsang.

 6 Di tla bua ka ditiro* tsa gago tse di gakgamatsang,

Mme ke tla itsise bogolo jwa gago.

 7 Di tla bua ka matlhagatlhaga fa di gopola molemo wa gago o mogolo,+

Mme di tla goa ka boitumelo ka ntlha ya tshiamo ya gago.+

 8 Jehofa o pelotlhomogi* e bile o kutlwelobotlhoko,+

Ga a galefe ka bonako e bile o na le lorato lo logolo lo lo sa kgaotseng.+

 9 Jehofa o molemo mo ditsheding tsotlhe,+

Mme kutlwelobotlhoko ya gagwe e bonala mo dilong tsotlhe tse a di dirileng.

10 Ditiro tsotlhe tsa gago di tla go galaletsa Jehofa,+

E bile batho ba gago ba ba ikanyegang ba tla go baka.+

11 Ba tla bolela kgalalelo ya bogosi jwa gago+

E bile ba tla bua ka bogolo jwa gago,+

ל [Lamed]

12 Gore ba itsise batho ditiro tsa gago tse dikgolo+

Le bontlentle jwa kgalalelo ya bogosi jwa gago.+

13 Bogosi jwa gago ke bogosi jo bo sa khutleng,

Mme taolo ya gago e tla tswelela e le teng mo dikokomaneng tsotlhe.+

14 Jehofa o tshegetsa botlhe ba ba wang+

E bile o tsholetsa botlhe ba ba obegileng.+

15 Matlho a ditshedi tsotlhe a leba kwa go wena ka tsholofelo;

O di naya dijo ka paka ya tsone.+

16 O bula seatla sa gago

O bo o kgotsofatsa keletso ya setshedi sengwe le sengwe.+

17 Jehofa o dira se se siameng ka metlha+

E bile o a ikanyega mo dilong tsotlhe tse a di dirang.+

18 Jehofa o gaufi le botlhe ba ba mmitsang,+

Le botlhe ba ba mmitsang ka boammaaruri.*+

19 O kgotsofatsa keletso ya ba ba mmoifang;+

O utlwa selelo sa bone sa go kopa thuso, mme o a ba namola.+

20 Jehofa o disa botlhe ba ba mo ratang,+

Mme o tla nyeletsa botlhe ba ba bosula.+

21 Molomo wa me o tla itsise pako ya ga Jehofa;+

A setshedi sengwe le sengwe* se bake leina la gagwe le le boitshepo ka bosakhutleng le go ya go ile.+