Ka moo Kolobetso a ka re Bolokang ka Gone

“Kolobetso . . . e a re boloka.”—1 PETERE 3:21, The Emphatic Diaglott.

1, 2. Ke eng se se tlhokegang pele ga motho a kolobediwa?

JEHOFA o na le ditlhokafalo tse di kgethegileng tseo bao ba batlang poloko ba tshwanetseng go di fitlhelela. Ba tshwanetse go nna le kitso e e tlhomameng, ba bontsha tumelo, ba ikwatlhaela maleo a bone, ba sokologa, ba ineela mo Modimong, mme ba kolobediwa jaaka ba ba dumelang. (Yohane 3:16; 17:3; Ditihō 3:19; 18:8) Bao ba batlang go kolobediwa ba tshwanetse go bolela phatlalatsa gore ba ikwatlhaetse dibe tsa bone mo motheong wa setlhabelo sa ga Jesu mme ba neetse matshelo a bone go Jehofa. Ba tshwanetse go tlhaloganya gape gore boineelo le kolobetso di ba tshwaya jaaka Basupi ba ga Jehofa.

² Thulaganyo yotlhe ya kolobetso, go kopanyeletsa le boipolelo jono jwa phatlalatsa jwa tumelo, di a tlhokega gore o bolokiwe. (Baroma 10:10) Seno se ne sa gatelelwa ke moaposetoloi Petere fa a ne a kwala jaana: “Kolobetso . . . e a re boloka.” (1 Petere 3:21, ED) Mme totatota re tshwanetse go tlhaloganya mafoko ano jang? Ditemana tse di a dikologileng di bontsha eng?

Ka moo Kolobetso a Bolokang ka Gone

3. O ka sobokanya jang 1 Petere 3:18-21, ka mafoko a gago?

³ Petere o ne a bontsha gore jaaka moya o o tsositsweng, Jesu o ne a rera molaetsa o o neng o bontsha go senngwa ga meya e e boikepo e e mo kgolegelong, badimona ba ba boloketsweng letsatsi le legolo la katlholo la ga Jehofa ba le mo dikgoleng tsa bosakhutleng. Ba ne ba tlhoka kutlo ka go fetola mebele ya bone go nna ya senama mme ba tla go gokafala le basadi “yale ka bopelotelele yoa Modimo bo ba lebeletse mo metlhefi ea ga Noa, ntlo e e kokobalafi a sa nntse a baakanwa,a bobdtlana, ebofi batho ba ba herafi mebedi, [Noa, mosadi wa gagwe, barwa ba gagwe, le basadi ba bone], ba bolokilwen mo go eona ka metse.” Petere o ne a oketsa jaana: “[Eo a tshwanang le seno le yone jaanong e a re boloka, NW], ebon kolobeco, a sen [tota] go tlosiwa ga leshwe ya nama, ha a se potsisho ea segakolodi se se siamen se botsa kaga Modimo, ka go coga ga Yesu Keresete.”—1 Petere 3:18-21; Genesise 6:1, 2; 2 Petere 2:4; 2 Bakorintha 7:1.

4. Petere o ne a lebisitse go eng fa a ne a re, “eo e tshwanang le seno”?

⁴ Petere o ne a raya eng fa a ne a re, “Eo e tshwanang le seno”? O ne a raya gore kolobetso e e theilweng mo tumelong a tshwana le go bolokiwa ga ga Noa le lelapa la gagwe, bao ba neng ba falodisiwa metsi a morwalela a a neng a senya ba ba neng ba le kwantle ga araka. Jaaka Noa a ne a tlhoka tumelo go aga araka, botlhe ba ba fetogang barutwa ba ba kolobeditsweng ba ga Jesu Keresete le Basupi ba ga Jehofa ba tshwanetse go nna le tumelo go emelelana le dikgatelelo tseo lefatshe leno le le senang tumelo le modimo wa lone, Satane Diabolo, a di ba leretseng.—Bahebera 11:6, 7; 1 Yohane 5:19.

5. Poloko a ka bonwa jang ka “cogo ea ga Yesu Keresete”?

⁵ Kolobetso ka boyone ga a boloke. Mme lefa re tshwanetse go ‘tlosa leswe la nama,’ seo ka bosone ga se re boloke. Go na le moo, poloko e tla ka “go coga ga Yesu Keresete.” Bao ba batlang go kolobediwa ba tshwanetse go dumela gore poloko e gone fela ka ntlha ya loso lwa go intsha setlhabelo lwa Morwa Modimo le go tsoga ga gagwe. Ba tshwanetse go amogela Jesu gape jaaka Morena wa bone yo O nang le maatla a go atlhola batshedi le baswi. ‘O ntse kafa letsogong le legolo la Modimo,’ ga bolela jalo Petere, “ka a tsenye kwa legodimon; baengele, le balaodi, le bathata, ba bile ba beilwe mo taolon ea gagwe.”—1 Petere 3:22.

6. Ke eng seo motho yo o batlang go kolobediwa a tshwanetseng go bo a setse a se dirile, gore a nne le segakolodi se se molemo?

⁶ Paulo o ne a amanya kolobetsa gape le ‘go ikopela segakolodi se se molemo mo Modimong.’ Gore motho yo o kolobediwang a nne le segakolodi se se molemo, o tshwanetse go ikwatlhaela maleo a gagwe, a sokologe mo tseleng ya gagwe e e phoso, mme a ineele mo go Jehofa Modimo ka thapelo ka Jesu Keresete a sa sadisa sepe. Fa motho yo o kolobeditsweng a tshegetsa segakolodi se se molemo ka go latela ditekanyetso tsa Modimo, ga a tshwanelwe ke katlholo ya ga Jehofa ka go bo a ne a ntse a bolokilwe.

Go Tshwanelegela Kolobetso

7. Ke eng seo barongwa ba La-Bodumedi ba se dirileng mabapi le kolobetso?

⁷ Fa Jesu a ne a laolela balatedi ba gagwe go kolobetsa barutwa, ga a ka a ba raya a re ba kgatshe diketekete tsa batho ba ba sa dumeleng ka metsi. Mme ke eng se barongwa ba La-Bodumedi ba se dirileng? Kwa India, Jesuit Francis Xavier o ne a kwala jaana ka 1545: “Mo pusong ya Travancore . . mo dikgweding di le mmalwa fela ke kolobeditse banna, basadi, le bana ba ba fetang dikete di le lesome. . . . Ke ne ke tsamaya go tswa mo motseng go ya go o mongwe mme ke ba dira Bakeresete.” Eo ga se yone tsela ya ga Jesu ya go ‘dira Bakeresete.’ Batho ba tshwanetse go tshwanelegela kolobetso.

8. Ke eng seo go tweng ke melao ya ga Paulo e se bolelang ka bao ba batlang go kolobediwa?

⁸ Le eleng bao ba ipolelang gore ke Bakeresete ba motlha wa morago ga baaposetoloi ba ne ba dumela gore ba ba neng ba batla go kolobediwa ba ne ba tshwanetse go fitlhelela ditlhokafalo tse di gagametseng. Mabapi le ba ba batlang go kolobediwa bao, melawana mengwe e e seng ya Bibela, eo ka phoso go neng go twe a kwadilwe ke moaposetoloi Paulo, e bua jaana: “A boitsholo jwa bone le botshelo jwa bone di sekasekiwe . . . Fa ba sa nyala [nyalwa] a ba ithute gore ba seka ba dira boaka, mme ba nyalwe kafa molaong. . . . Fa e le seaka, a se tlogele boaka jwa Bone, kana eseng jalo se ganwe. Fa go tla mmetli wa medimo ya disetwa, a a tlogele tiro ya gagwe, kana a ganwe. . . . Moleofi a seka a umakiwa, . . . motshereanyi, yo o dirisang botlhodi, molepi wa dinaledi, yo o laolang ka bola, yo o dirisang dipuo tsa botshereanyi, . . . yo o dirang dipheko, morai, moitseanape, yo o bolelelang pele, yo o bolelelang pele ka go leba legofi . . . , a bao ba lebelelwe ka nakonyana . . mme fa ba tlogela ditiro tseo, a ba amogelwe; mme fa ba sa dumalane le seo, a ba ganwe.”

9. Ke ka ntlhayang fa bagolwane ba phuthego ba nna le dipuisano le motho yo o batlang go kolobediwa?

⁹ Basupi ba ga Jehofa ga ba latele mekwalo e e seng ya Dikwalo, jaaka e e tsopotsweng fa godimo, mme bagolwane ba buisana le yo o eletsang go kolobediwa. Ka ntlhayang? Go tlhomamisa gore batho bano ke badumedi ba ba fitlhelelang ditlhokafalo tsa bomodimo ebile a le bao ba ineetseng go Jehofa. (Ditihō 4:4; 18:8; 2 Bathesalonia 3:2) Go tlotla ka dipotso tse di mo bukeng Re Rulaganyeditswe go Swetsa Bodihedi jwa Rona go thusa go tlhomamisa gore a motho o tshwanelegela go kolobediwa. Fa go na le dintlha tseo a sa di tlhaloganyeng sentle, kana a ise a dumalanye botshelo jwa gagwe le ditekanyetso tsa bomodimo, bagolwane ba tla itumelela go mo naya thuso ya semoya.

10. Fa re eletsa go kolobediwa, re tshwanetse go nna le boikutlo bofe?

¹⁰ Fa re anaanela bopelonomi jwa Modimo mo go re thuseng go ithuta ka boikaelelo jwa gagwe, re tla nna jaaka batho bao moaposetoloi Paulo a neng a ba rerela mo Antioka, wa Asia Minor. Go sa kgathalesege go ganediwa ke Bajuda, “ea re Badichaba ba utlwa [kaga gore ba na le tshono ya go ka amogelwa ke Modimo], ba itumela, ba galaletsa lehoko ya Modimo: me botlhe ba ba laolecwen botshelo yo bo sa khutlen ba dumela.” (Ditihō 13:48) Ba ba dumelang bao ba ne ba kolobediwa.

Go Kolobediwa o Sale Mosha

11. A go tshwanetse gore motho yo monnye a ineele mo Modimong, mme ke ka ntlhayang fa o araba jalo?

¹¹ Bao ba “laoletswen botshe16 yo bo sa khutlefi” ba kopanyeletsa batho bangwe ba bannye. Go ka nna ga lemogiwa gore lefa Samuele le Johane mokolobetsi ba ne ba lomololetswe Modimo pele ga ba tsholwa, batsadi ba ka seka ba direla bana ba bone boineelo. (1 Samuele 1:11, 24-28; 2:11, 18, 19; Luke 1:15, 66) Mme ka ntlha ya katiso e e molemo ya Bibela, basha ba bantsi ba bannye ba tswelela go fitlhela ba kolobediwa. Kgaitsadi mongwe wa morongwa yo o neng a kolobediwa a sale mosha o kwadile jaana: “Go lebega ekete ke ne ka ineela go direla Mmopi wa me go tswa mo dingwageng tsa fela fa ke ne ke lemoga gore o gone, mme ka go ikamogelela kitso nngwe ya boammaaruri ka ga gagwe le maikaelelo a gagwe, ke ne ka batla go kolobelediwa go supa seo phatlalatsa. Lefa go ntse jalo, Mme o ne a belaela gore a ruri ke ne ke itse se ke se dirang, jalo o ne a nkgakolola go leta go fitlhela go nna le mongwe gape yo o batlang go kolobediwa.” Mosadi mongwe yo o neng a batla go kolobediwa o ne a bonwa, mme kgaitsadi o oketsa jaana: “Go ne go sena dithuto dipe tsa katiso e e kgethegileng eo a neng a neelwa ba ba neng ba batla go kolobediwa mo malatsing ao, lefa Motsamaisi wa Tirelo yo o tlhophilweng ke Mokgatlho . . . a ne a bua le nna ka bomasisi jwa kgato a ke neng ke a tsaya. Ke ne ka dumalana ka tlhagafalo le sotlhe se ke neng ke tshwanetse go se dira, mme mo mosong mongwe wa Sontaga ka May 1921 nna le [mosadi yoo] ra kolobediwa.”

12. Mokaulengwe Russell o ne a leba boineelo jwa motho yo monnye jang?

¹² Ka 1914, C. T. Russell (yo a neng a le mookamedi wa Mokgatlho wa Watch Tower ka nako eo) o ne a amogela lokwalo loo mo go lone Mokeresete-ka-ene mongwe a neng a botsa gore a o tshwanetse go kgothaletsa morwawe yo o dingwaga di 12 go ineela mo Modimong. “Fa ke ne ke le wena,” Russell a araba, “ke ne ke ka seka ka mo pateletsa gore a tshwaiwe [kolobediwe], mme ke ne ke tla gatelela mo mogopolong wa gagwe gore eo a ne a le yone tsela fela e e tshwanetseng go tsewa ke batho botlhe ba ba botlhale ba ba itseng Modimo le maikaelelo a gagwe . . . Kwantle ga go tshwaiwa ga go motho ope yo o ka bonang botshelo jo bo sa khutleng . . . Morwa wa gago ga a kake a gobadiwa ka gope ke go tshwaiwa, mme o ka thusega fela thata. . . . Ke mang yo o ka reng ngwana wa dingwaga tse di lesome a ka seka a tlhaloganya go ineela ka botlalo ka mogopolo le ka ditiro le ka go bua? Fa ke leba kwa morago ke lemoga gore go tshwaiwa ga me ka botlalo go ne ga dirwa moragonyana . . . fa ke setse ke weditse dingwaga di le lesome le bobedi.”

13. Ke eng seo lokwalopaka lono to neng lwa se bolelela bana ba bannye dingwaga tse 94 tse di fetileng?

¹³ “Zion’s Watch Tower ya July 1, 1894, a ne ya bolela jaana: “Go bana botlhe le basha ba ba rategang bao ba neetseng Modimo dipelo tsa bone, le bao ba lekang go latela Jesu letsatsi le letsatsi, WATCH TOWER e a to dumedisa. Re itse bangwe ba banana ba ba ratang Jesu le bao ba sa tlhajweng ke ditlhong go emela Jesu mo gare ga bana ba bangwe ba ba sa mo rateng kana ba ba sa lekeng go mo itumedisa; le bao ba leng bopelokgale le boammaaruri mo Modimong, le eleng fa ba tshegiwa kana ba lejwa jaaka ba ba farologaneng ke balekane ba bone ba sekolo ba ba ba bolelelang mafoko a a molemo a Bogosi. Mme re ipelela go bona basha bangwe, bao ka bopelokgale ba neng ba seka ba latela dikgatlhego le menate ya lefatshe, ba le gareng ga bao ba ikanyegang fela thata bao ba [neetseng] matshelo a bone mo Moreneng. Bangwe ba ba re thusang mo diofising, gammogo le barekisi ba dibuka ba bantsi ba ba tsweletseng sentle, ba santse ba le basha mo dingwageng.” Le eleng fa o santse o le mmotlana thata, ke ka ntlhayang fa o sa bue le batsadi ba gago ka go ineela go Jehofa Modimo?

Seabe sa Batsadi

14. Ke melemo efe e e ipelelwang ke basha ba ba ineelang go Jehofa?

¹⁴ A o ko o akanye ka melemo e e ipelelwang ke bana bao ba ileng ba amogela kaelo ya batsadi e e gogetseng kwa kolobetsong. (Baefesia 6:4) Go akanya ka dilo tsa semoya go ba thusa go falola dirai le go rareediwa ke lefatshe leno. (1 Yohane 2:15-17) Ga ba robe maungo a a botlhoko ao a nnang gone ka ntlha ya go jalela mo nameng.’ (Bagalatia 6:7, 8) Ereka ba rutilwe go tshela matshelo a bomodimo, ba bontsha maungo a moya wa Modimo. (Bagalatia 5:22, 23) Ka go bo ba ineetse mo Modimong, ba ipelela botsalano jo bo gaufi le ene. Me ka go bo ba ithutile go ‘ikanya Jehofa,’ ba kaelwa lie botlhale jwa selegodimo mme ba tsamaya mo ditseleng tse di itumedisang le tsa kagiso.—Diane 3:5, 6, 13, 17.

15. Ke eng seo batsadi ba Bakeresete ba ka se dirang go betla matshelo a bana ba bone?

¹⁵ Ereka go ineela go Jehofa go solegela batho ba basha molemo jaana, batsadi ba Bakeresete ba tshwanetse go dira sengwe le sengwe se ba ka se kgonang go betla matshelo a bana ba bone. Jaaka Timotheo, ba bannye ba ka rutiwa Dikwalo go tswa bonyaneng gore ba tle ba ‘nnele ruri mo dilong tse ba di ithutileng le tse ba ileng ba tlhotlhelediwa go di dumela.’ (2 Timotheo 3:14, 15) Batsadi ba ba boifang Modimo ba ka tlhotlheletsa bana ba bone ka sekao sa matshelo ao a leng a bone, ba naya bana ba bone kitso e e tshwanang le kamano ya bone le Modimo, boitemogelo jwa bone, le seo go dira dikatlholo tse di molemo go ka se nayang. Fa ba kaelwa sentle, maiteko ano a solegela ba bannye bano molemo.—Diane 22:6.

16. Ke eng seo bana ba gago ba tshwanetseng go se bona mo sekaong le mo go ruteng ga gago?

¹⁶ Thusa bana ba gago go bona pharologanyo e e leng gone fa gare ga phuthego ya Modimo le ya ga Satane, ka go ba beela sekao le go ba ruta. Ba bontshe gore ga ba a tshwanela go ema le lefatshe leno, gape Bakeresete ba tshwanetse go gana dilo tsa lone tse di maswe, boitloso bodutu jo a seng jwa bomodimo, mekgele, le ditsala. (1 Bakorintha 15:33; 2 Bakorintha 4:2) Ka boikutlo jwa gago, gammogo le ka go ruta ga gago le ka sekao, a bana ba gago ba bone ka moo dikgatlhego tsa lefatshe leno di senang mosola ka teng, le ka moo batho ba lefatshe ba leng mo tsietsing ka gone fa ba bapisiwa le Basupi ba ga Jehofa. Ba tlhalosetseng ka moo Jehofa a ileng a to kaela ka gone ka moya o o boitshepo, a ileng a to boloka mo ditseleng tse di neng di ka to isa kwa tlalelong, a ileng a to tshegetsa mo dinakong tsa pitlagano le mo botlhokong. Lo seka lwa ba lwa dira phoso ya go akanya gore fa bana ba lona ba letlelelwa go tsamaya mo ditseleng tsa lefatshe leno tsa boikgodiso, go latelela mekgele, botshelo jo bo kwa godimo, kana tsa boikepo, ba tla nna badumedi. Pele ga lefatshe leno le ka raela bana ba gago, ba sireletse mo tlhotlheletsong ya lone e e sa siamang mme ba thuse go aga matshelo a bone mo loratong le mo ditsholofetsong tsa ga Jehofa.

Go Lebelela ka kwa ga Kolobetso

17. (a) Ke ka ntlhayang fa Bakeresete bangwe ba ba kolobeditsweng ba wa mo semoyeng? (b) Re tshwanetse go leba boineelo jwa rona jang?

¹⁷ Lefa batho ba ba batlang go kolobediwa ba le bannye kana ba le bagolo, kwantle ga pelaelo ba batla go nna ba ntse ba ikanyega mo go Jehofa. Jalo ke ka ntlhayang fa bangwe ba Bakeresete ba ba kolobeditsweng ba wa semoyeng? Lefa go kopanyelediwa mabaka a le mantsi, go bonala go na le lebaka le le lengwe fela la motheogo palelwa ke go tlhaloganya sotlhe seo kolobetso a se rayang. Ga se kgang ya go ineela mo tirong. Seo se ne se tla re boloka re tshwaregile mme se ne se sa kake sa re dira batho ba semoya. Re tshwanetse go gakologelwa gore re ineetse eseng mo tirong mme mo Mothong—Jehofa Modimo. Seno se re thusa go tila phoso ya go leba boineelo jwa rona jaaka kgato fela e e tlwaelegileng a re tshwanetseng go a tsaya pele re ka simolola tiro. Go ineela go tshwanetse ga lejwa jaaka go tsenelela mo kamanong e e botlhokwa eo ka metlha a tshwanetseng go disiwa le go tlamelwa. Mo ntlheng eno, re na le sekao sa ga Jesu Keresete. Mafoko ano a boperofeti a tlhalosa maikutlo a gagwe a a tswang pelong fa a ne a ineela go Modimo a re: “Ke tsile . . . go diha go rata ga gago, Modimo oa me; E, mola6 oa gago o mo ten ga pelo ea me.”—Pesalema 40:6-8; Bahebera 10:5-10.

18. Molao wa Modimo o ne o le “mo pelofi” ya ga Jesu jang?

¹⁸ Molao wa ga Jehofa o ne o le “mo ten ga pelo” ya ga Jesu jang? O ne a bolelela mokwadi mongwe wa Mojuda gore Jehofa Modimo wa rona o osi le gore ga go na o mongwe o sele, ka jalo a tlotlomatsa bogolo jwa ga Jehofa. Morago Jesu o ne a bontsha gore molao wa Modimo o thailwe mo go rateng Jehofa ka dipelo tsa rona tsotlhe, tlhaloganyo, le nonofo, fa re ntse re rata le baagelani ba rona jaaka re ithata. (Mareko 12:28-34) Ke ka ntlha ya lebaka leo la motheo Jesu a neng a ka re, ‘Ke itumelela go dira go rata ga Modimo.’ O ne a kgona go tshwarelela mo tseleng ya gagwe ka boikanyegi go sa kgathalesege diteko le dipogisego tse dikgolo tse a neng a kopana le tsone, eseng ka ntlha ya go bo a ne a tsaya seno jaaka tiro ya gagwe e e molemo mme a le ka ntlha ya go bo a ne a na le kamano e e gaufi le Jehofa Modimo. Fa le rona ka tsela e e tshwanang re dumela gore Jehofa Modimo o mogolo me re mo rata mo kgolaganong e e sa kakeng ya rojwa, re tla tshelela boineelo jwa rona le kolobetso.

19. Kamano ya rona le Jehofa le tiro eo re e dirang di amana jang?

¹⁹ Legale, go na le, kgolagano gareng ga kamano ya rona le Modimo le tiro a re e dirang. Re bontsha lerato la rona mo go Jehofa ka go dira tiro ya go rera ka Bogosi. Mabapi le seno, moswi Grant Suiter, ebong leloko la pele la Setlhopha se se Laolang sa Basupi ba ga Jehofa, o kile a kwala jaana: “Fa ke ne ke reeditse [molebedi mongwe yo o etang] a bua ka ditshiamelo tsa go direla Jehofa le boikarabelo jwa go dira jalo, ke ne ka lemoga seo ke neng ke tshwanetse go se dira le seo ke neng ke batla go se dira. Jalo ke ne ka ineela go Jehofa, mme mo a ka nnang ka yone nako eo maloko a mangwe a balelapa la me le one a ne a dira jalo. Ka October 10, 1926, kwa San Jose, kwa California, rotlhe re ne ra tshwantshetsa boineelo jwa rona go Jehofa Modimo rotlhe ka go kolobediwa mo metsing. . . . Morago ga kolobetso . . rre o ne a raya mogolwane yo o neng a okametse kolobetso a re: ‘Le tsamaya le gasa dibuka, a ga go jalo? Le rona, re batla go dira tiro eo.’ Jalo lelapa la rona le ne la simolola bodihedi jwa tshimo.” Gompieno, batho ba ba tshwanelegang ba simolola go tsaya karolo mo tirelong ya tshimo le eleng pele ba kolobediwa.

Kolobetso a ka re Boloka

20, 21. (a) Batlhanka ba ga Jehofa ba ‘tshwaiwa’ ka tsela efe? (b) “Lochwao” lono ke eng, mme go nna le lone go raya eng?

²⁰ Re ka bontsha ka ditiro tsa rona gore re “ba ga Jehofa.” Ebu, go bolokega go ikaegile ka go dira ka boikanyegi jaaka batlhanka ba ba ineetseng! (Baroma 6:20-23; 14:7, 8, NW) Mo metlheng ya bogologolo, gantsi batlhanka ba ne ba tshwaiwa mo diphatleng. Gompieno ka tiro ya go rera, ‘monna yo o apereng leloba’ wa tshwantshetsomasalela a balatedi ba ga Jesu ba ba tloditswengo ‘tshwaya’ ba ba tla falolang bokhutlo jwa tsamaiso eno. Batlodiwa ba thusiwa ke balekane ba bone, “dinku di sele” mo tirong eno. (Esekiele 9:1-7; Yohane 10:16) Mme “lochwa6” leno ke eng? Ke bosupi jwa gore re ineetse mo go Jehofa mme re barutwa ba ga Jesu ba ba kolobeditsweng ba ba nang le botho jo bo tshwanang le jwa ga Keresete.

²¹ Go tlhokega gore re nne le “lochwao” le go le boloka segolo bogolo jaanong jaana, ka go bo re tseneletse thata mo “motlhefi oa bokhutlo.” (Daniele 12:4) Go bolokega re tshwanetse go ‘itshoka go fitlha kwa bokhutlong’ jwa botshelo jwa rona jwa jaanong kana jwa tsamaiso eno. (Mathaio 24:13) Kolobetso e ka kgona go re boloka fela fa re ka nna re ikanyega jaaka Basupi ba ga Jehofa.

Dipotso tsa Poeletso

◻ Go tlhokwa eng mo go rona gore re bolokiwe?

◻ Ke ka ntlhayang fa bagolwane ba buisana le bao ba eletsang go kolobediwa?

◻ Ke eng seo batsadi ba ka se dirang go naya bana ba bone kaelo ya semoya e e lebisang kwa kolobetsong?

◻ A re ineela go dira tiro nngwe?

◻ Kolobetso a ka re boloka jang?

[Setshwantsho mo go tsebe 16]

A o itse gore kolobetso e tshwana jang le go bolokiwa ga ga Noa le lelapa la gagwe mo arakeng?

[Setshwantsho mo go tsebe 18]

Boineelo le koiobetso di solegela basha molemo. A o itse gore jang?