Kafa re ka Buelelang Dimakasine ka Gone

Tora ya Tebelo July 1

“A o akanya gore go a kgonega gore batho ba ka nna le kamano e e gaufi le Modimo Mothatayotlhe? [Mo letle gore a arabe. Go tswa foo bala Ditiro 17:27.] Setlhogo seno se tlotla ka lebaka la go bo re ka tlhomamisega gore Modimo o batla gore re nne gaufi le ene.” Buelela setlhogo se se simololang mo tsebeng ya 10.

Tsogang! July

“Boitlosobodutu bo le bontsi jwa gompieno bo supa go oketsega ga kgatlhego ya go dirisana le meya. A o akanya gore go dirisana le meya ga go kotsi? [Mo letle gore a arabe. Go tswa foo bala Duteronome 18:10-12.] Setlhogo seno se bontsha se Baebele e se bolelang ka dikotsi tsa tirisabadimo.” Buelela setlhogo se se simololang mo tsebeng ya 10.

Tora ya Tebelo Aug. 1

“Dikgang tse di masisi tse di ka ga tikologo di dira gore batho ba le bantsi ba se ka ba tlhomamisega ka isagwe ya lefatshe. Wena o ikutlwa jang ka gone? [Mo letle gore a arabe. Go tswa foo bala Pesalema 37:11.] Makasine ono o gatelela mabaka mangwe a Dikwalo a a dirang gore re nne le tsholofelo.”

Tsogang! Aug.

“Batho ba le bantsi ba tlhatswegile pelo gore go gotela ga moya o o mo loaping go dira gore botshelo mo polaneteng ya rona bo nne mo kotsing. O akanya gore bothata jono bo tla rarabololwa jang? [Mo letle gore a arabe. Go tswa foo bala Isaia 11:9.] Makasine ono o tlhalosa gore ke ka ntlha yang fa re ka tlhomamisega gore lefatshe le tla tswelela le le gone e le legae la batho.”