Kafa re ka Buelelang Dimakasine ka Gone

Tora ya Tebelo February 1

“A o akanya gore Modimo o reetsa dithapelo tsotlhe? [Mo letle gore a arabe.] Ela tlhoko gore Jesu o ne a reng ka kgang eno. [Bala Mathaio 6:7.] Setlhogo seno se se kgatlhang se araba dipotso tse nnè tsa Baebele tse batho ba ratang go di botsa.” Buelela setlhogo se se simololang mo tsebeng ya 16.

Tsogang! February

“Batho ba le bantsi ba dumela gore botshelo jwa rona bo setse bo rulagantswe gore bo tla felela jang. Wena o akanya eng? [Mo letle gore a arabe.] Go ya ka temana eno re ka kgona go itlhophela. [Bala Duteronome 30:19.] Setlhogo seno se tlhalosa se Baebele e se buang ka kgang ya go bolelelwa go sa le gale ga isagwe ya motho.” Buelela setlhogo se se simololang mo tsebeng ya 12.

Tora ya Tebelo March 1

“A o akanya gore sengwe le sengwe se se diregang mo botshelong se rulagantswe e sa le pele? [Mo letle gore a arabe.] Ela tlhoko se Baebele e se bolelang ka seno. [Bala Moreri 9:11.] Makasine ono o tlhalosa gore le fa Modimo a rulagantse go sa le gale gore lefatshe le nne le isagwe e e itumedisang o letla gore mongwe le mongwe a itlhophele tsela e a batlang go tshela ka yone.”

Tsogang! March

“Batho ba le bantsi gompieno ba tlhobaela ka madi, bogolo jang mo nakong eno e go nang le mathata a ikonomi. A o dumalana le seo? [Mo letle gore a arabe.] Ela tlhoko kgakololo eno e e tekatekano. [Bala 1 Timotheo 6:8, 10.] Makasine ono o tlhalosa melaometheo mengwe ya Baebele e e ka re thusang gore re kgone go laola tsela e re dirisang madi ka yone ka mokgwa o o tla dirang gore re nne le kagiso ya mogopolo.”