Go Tlhalosa Se re Se Dumelang ka 1914

Dikwalo di re kgothaletsa go nna re ‘iketleeleditse go femela’ se re se dumelang, re “dira jalo ka bonolo le tlotlo e e boteng.” (1 Pet. 3:15) Boammaaruri ke gore, go ka nna thata go tlhalosa dithuto dingwe tsa Baebele, jaaka gore re itse jang gore Bogosi bo simolotse go busa ka 1914. Go re thusa go dira seo, go dirilwe setlhogo sa dikarolo tse pedi sa “Puisano le Moagelani—Bogosi Jwa Modimo bo Simolotse Leng go Busa?” Setlhogo seno se tlhaga mo dimakasineng tsa Tora ya Tebelo tse re tla bong re di tsamaisa mo bodireding ka Diphalane le Ngwanatsele. Fa o ntse o sekaseka ditlhogo tseno, akanya ka dipotso tse di latelang malebana le tsela e mmoledi e bong Onkutlwile, a e dirisitseng go tlotla le mong wa ntlo.

O kgonne jang go . . .

• akgola mong wa ntlo gore ba nne le sengwe se ba dumalanang ka sone?—Dit. 17:22.

• bontsha boikokobetso fa a tlhalosa se a se dumelang?—Dit. 14:15.

Ke eng fa go ne go le molemo gore . . .

• a sobokanye dintlha tse ba tlotlileng ka tsone pele a tlhalosa dintlha tse di oketsegileng?

• a tle a ema a botsa mong wa ntlo gore a o tlhaloganya se a setseng a se tlhalositse?

• a se ka a leka go tlhalosa tshedimosetso e ntsi ka nako e le nngwe?—Joh. 16:12.

A bo re anaanela jang ne go bo Jehofa, ‘Motlhatlheledi wa rona yo Mogolo,’ a re ruta go tlhalosetsa batho ba ba tshwerweng ke tlala ya semoya dithuto tsa Baebele tse di boteng!—Isa. 30:20.