Tsalana le Batho ba ba Ratang Jehofa

Goreng re tshwanetse go tsalana le batho ba ba ratang Jehofa? Ka gonne Batho ba re fetsang nako e ntsi le bone ba ka re thusa go dira dilo tse di siameng kgotsa ba ka dira gore re dire dilo tse di sa siamang. (Dia 13:20) Ka sekai, fa Kgosi Jehoashe a ne a fetsa nako e ntsi le Moperesiti yo Mogolo Jehoiada, o ne a dira “se se siameng mo matlhong a ga Jehofa.” (2Dit 24:2) Fa Jehoiada a sena go tlhokafala, Jehoashe o ne a tlogela go itumedisa Jehofa ka gonne o ne a tsalana le batho ba ba sa siamang.—2Dit 24:17-19.

Mo lekgolong la ntlha dingwaga C.E., moaposetoloi Paulo o ile a tshwantsha phuthego ya Bokeresete le “[ntlo] e kgolo” a bo a tshwantsha maloko a phuthego le “dijana.” Fa re sa itsalanye le batho ba ba sa itumediseng Jehofa e ka tswa e le ba lelapa kgotsa ba mo phuthegong, re tla nna “[dijana tsa boikaelelo] jo bo tlotlegang.” (2Ti 2:20, 21) Ka jalo, a re tsalaneng le batho ba ba ratang Jehofa le ba ba re kgothaletsang go mo direla.

LEBA BIDIO YA ITHUTE GO TILA DITSALA TSE DI SA SIAMANG, LO BO LO TLOTLA KA DIPOTSO TSE DI LATELANG:

• Re ka fetsa nako e ntsi jang le batho ba ba sa siamang re sa lemoge?

• Mo bidiong eno, ke eng se se thusitseng kgaitsadi le bakaulengwe ba babedi go tlogela go itsalanya le batho ba ba sa siamang?

• Ke melaometheo efe ya Baebele e e ka go thusang gore o tlhophe ditsala ka botlhale?