BOTSHELO JWA BOKERESETE
Dirisa Kgatiso ya Itumelele go Tshelela Ruri! mo Bodireding
Re itumeletse go nna le boroutšhara le buka tse re tla di dirisang go ithuta Baebele le batho. Re rapelela gore Jehofa a segofatse maiteko a rona a go dira barutwa ba ba oketsegileng. (Mat 28:18-20; 1Bk 3:6-9) Re ka dirisa jang dikgatiso tseno tse disha?
Buka ya Itumelele go Tshelela Ruri! ke tsela e ntšha ya go ruta batho Baebele, latela ditaelo tseno tse di tla go thusang go baakanyetsa le go tshwara dithuto tsa Baebele.a
Balang dintlha tse di mo bukeng lo bo lo tlotla ka dipotso tsa teng
Balang ditemana tse di kwadilweng “bala” o bo o thusa moithuti go tlhaloganya gore a ka di dirisa jang mo botshelong
Tshameka dibidio lo bo lo tlotla ka tsone lo dirisa dipotso tse di foo
Lekang go fetsa thuto e lo e simolotseng ka letsatsi leo
Mo tshimong, o ka naya motho boroutšhara pele go bona gore a o batla go ithuta Baebele. (Bona lebokoso la “O ka Naya Jang Motho Boroutšhara Jwa Itumelele go Tshelela Ruri! mo Loetong Lwa Ntlha?”) Fa lo sena go ithuta boroutšhara mmogo mme moithuti a sa ntse a batla go tswelela, o ka mo naya buka lo bo lo simolola thuto 04. Fa e le gore go na le mongwe yo o ithutang Baebele le ene lo dirisa buka ya E re Ruta Eng? kgotsa ‘Ipoloke mo Loratong Lwa Modimo,’ lo ka nna lwa ya kwa bukeng ya Itumelele go Tshelela Ruri! mme o tla bona gore lo simolole fa kae.
LEBANG BIDIO YA ITUMELELE GO ITHUTA BAEBELE, LO BO LO ARABA DIPOTSO TSE DI LATELANG:
Batho ba tla ithuta eng mo bukeng e ntšha?
Goreng o tshwanetse go bontsha motho yo o simololang go ithuta le ene bidio eno?
Ke dilo dife tse o tla nnang o kgothaletsa moithuti wa Baebele go di dira?—Bona tšhate ya “Se go Tlotliwang ka Sone mo Karolong Nngwe le Nngwe”
a NTLHA YA BOTLHOKWA: Go tla tswa mo go wena gore a lo tla tlotla ka karolo ya “Dintlha Tse Dingwe” mo thutong ya lona, mme iphe nako ya go bala le go lebelela dibidio tse di mo karolong eno fa o ntse o baakanyetsa. Go dira jalo go tla go thusa go itse gore moithuti wa gago o rata eng le gore ke eng se se tla mo thusang. Fa o dirisa JW Library kgotsa jw.org, o ka kgona go bona dilinki tsa dibidio le dikgatiso tse dingwe.
SE GO TLOTLIWANG KA SONE MO KAROLONG NNGWE LE NNGWE |
|||
|---|---|---|---|
DITHUTO |
SE GO TLOTLIWANG KA SONE |
SE MOITHUTI A KA LEKANG GO SE DIRA |
|
01-12 |
Ithute gore Baebele e ka go thusa jang le gore e tswa kae |
Ithute se Modimo a re diretseng sone le tsela e a batlang gore re mo obamele ka yone |
|
13-33 |
Ithute se Modimo a se lebeletseng mo bathong ba ba mo obamelang |
Ithute gore o ka dira eng gore Modimo a tswelele a go rata |
|
34-47 |
Kgothaletsa moithuti gore a bale Baebele, a baakanyetse le gore a simolole go tla dipokanong |
Kgothaletsa moithuti gore a rerele ba bangwe le gore a nne mmoledi |
|
48-60 |
Kgothaletsa moithuti gore a ineele mo go Jehofa le gore a kolobediwe |
Thusa moithuti go farologanya se se siameng mo go se se sa siamang le gore a nne a atamalane le Modimo |
|