Mathata ga Nnele Ruri

Mathata a ka re kgoba marapo, segolobogolo fa a tsaya lobaka. Dafide o ne a itse gore bothata jo a neng a na le jone le Kgosi Saulo bo ne bo tlile go fela, le gore o ne a tlile go nna kgosi fela jaaka Jehofa a ne a solofeditse. (1Sa 16:13) Tumelo ya ga Dafide e ne ya dira gore a nne pelotelele le gore a letele Jehofa.

Gantsi re kgona go rarabolola mathata a re nang le one fa re dirisa bokgoni jwa rona jwa go akanya. (1Sa 21:12-14; Dia 1:4) Le fa go ntse jalo, mathata mangwe a tla tswelela a ntse a le teng le fa re lekile go dira sotlhe se re ka se kgonang go a rarabolola re dirisa melaometheo ya Baebele. Mo maemong ao, re tshwanetse go nna pelotelele mme re letle Jehofa gore a rarabolole mathata a re nang le one. Mo nako e e sa fediseng pelo, Jehofa o tlile go “phimola dikeledi tsotlhe mo matlhong” a rona a bo a fedisa mathata otlhe a re lebanang le one. (Tsh 21:4) Go sa kgathalesege gore a mathata a rona a rarabololwa ke se Jehofa a se dirileng kgotsa ka ntlha ya mabaka a mangwe, ntlha ya botlhokwa ke eno: Mathata ga a nnele ruri. Mme go itse seo go a re gomotsa.

LEBANG BIDIO YA BA SEOPOSENGWE MO LEFATSHENG LE LE KGAOGANENG, LO BO LO ARABA DIPOTSO TSE DI LATELANG:

• Bakeresete bangwe ba ba kwa borwa jwa United States ba ne ba lebana le mathata afe?

• Ba ne ba bontsha jang gore ba lorato le gore ba pelotelele?

• Ba ne ba tlhoma mogopolo jang mo ‘dilong tse di botlhokwa’?—Baf 1:10