Ntlha e e Kwa Tlase

a Mafoko ano a ga Jesu a thusa go baakanya mogopolo o o phoso o dithanolo dingwe tsa Baebele di o tlhagisang ka go sa ranole sentle mafoko “go nna gone.” Dithanolo dingwe di ranola mafoko ano jaana, “go tla” kgotsa “go boa,” mme ditlhaloso tseno di kaya lobaka lo lokhutshwane lwa nako. Mme gone ela tlhoko gore Jesu ga a ka a tshwantsha go nna gone ga gagwe le letsatsi la Morwalela wa ga Noa, e leng tiragalo e e diragetseng gangwe fela, go na le moo o ile a go tshwantsha le “malatsi a ga Noa” e leng motlha o mo go one go neng go na le ditiragalo tse di botlhokwa thata. Fela jaaka mo motlheng oo wa bogologolo, go nna gone ga ga Keresete e tla nna lobaka lwa nako e mo go yone batho ba tla bong ba tshwaregile thata ka ditiro tsa letsatsi le letsatsi mo ba se kitlang ba lemoga tlhagiso e ba e newang.