KAROLO 1

Re Reetsa Modimo ka Tsela Efe?

Modimo o bua le rona ka Baebele. 2 Timotheo 3:16

Jehofa o mo setulong sa gagwe sa Bogosi, mme o tlhotlheletsa banna go kwala Baebele

Modimo wa boammaaruri o ile a laela banna bangwe gore ba kwale dikakanyo tsa gagwe mo bukeng e le nngwe e e boitshepo. Buka eo ke Baebele. E na le tshedimosetso ya botlhokwa e Modimo a batlang gore o e itse.

Modimo ke Motswedi wa botlhale jotlhe mme o itse se se ka re solegelang molemo. Ruri o tla nna botlhale fa o ka mo reetsa. —Diane 1:5.

Baebele ka dipuo di le dintsi; monna o bala Baebele ka puo ya gagwe

Modimo o batla gore batho botlhe mo lefatsheng ba bale Baebele. Gone jaanong, e teng ka dipuo di le dintsi.

Fa o batla go reetsa Modimo, o tshwanetse go bala Baebele le go e tlhaloganya.

Batho gongwe le gongwe ba a reetsa. Mathaio 28:19

Mosupi wa ga Jehofa o balela monna mongwe temana a bo a ithuta Baebele le ene

Basupi ba ga Jehofa ba ka go thusa go tlhaloganya Baebele.

Ba ruta boammaaruri ka Modimo mo lefatsheng lotlhe.

Pokano ya kwa Holong ya Bogosi ya Basupi ba ga Jehofa

Thuto eo ke mahala. Gape o ka ithuta ka Modimo kwa Holong ya Bogosi ya Basupi ba ga Jehofa e e mo lefelong la lona.