“Modimo ke Lorato”

1. Jah Modimo ke lorato;

Re tlhoka go mo etsa.

Fa re rata Jah le batho,

Re tla dira molemo.

Fa re bontshana lorato,

Re tla tshela monate.

A re etseng Jesu Kreste

Mme re bontsheng lorato.

2. ’Rato lo re tlhotlheletsa

Go dira se se siameng.

Jah o tla re segofatsa

Fa re dira bojotlhe.

Lorato lo tla re thusa

Gore re’itshokelane.

A re rateng bakaulengwe

Ka lorato lwa nnete.

3. A re tileng go galefa

Mme re nneng le lorato.

Modimo o tla re kaela

Ka Lefoko la gagwe.

A re rateng Jah Modimo,

A re rateng le batho.

A re bontshaneng lorato,

’Rato lwa boammaaruri.