Sekao sa Modimo sa Lorato

1. Jehofa Mmopi o re bontsha tsela

Ya ’rato lwa nnete.

O re rutile go bontsha lorato

Ka ditiro le mafoko.

O ntshitse Morwa yo’a mo ratang thata

Go re golola le go re’itshwarela.

Jehofa Mmopi, ruri o lorato!

Tsela ya ’gwe, ke ya lorato.

2. Fa re tsamaya mo tseleng ya ga Jah,

Re tla nna lorato;

Mme re tla thusa bakaulengwe botlhe,

Ba bagolo le ba basha.

Fa re rata Jah Modimo wa rona,

Re tshwanetse go rata le ba bangwe.

Re tla’itshokela makoa a bone,

Re ba rate ka pelo yotlhe.

3. Lorato lono lo a re kopanya

Mme re nna lelapa.

Jehofa Mmopi o a re laletsa

Gore re nne ka kutlwano.

A re’ipeleleng go bontsha lorato.

A re lateleng sekao sa gagwe.

Mme batho botlhe ba tla itse gore

Re batlhanka ba ga Jehofa.