Baebele ya Reng ka Kgang Eno?

A re tshela “mo metlheng ya bofelo”?

O ne o ka reng?

• Ee

• Nnyaa

• Gongwe

Se Baebele e se buang

“Mo metlheng ya bofelo go tla nna le dinako tsa mathata.” (2 Timotheo 3:1) Boporofeti jwa Baebele le dilo tse di diregang gompieno di bontsha gore re tshela “mo metlheng ya bofelo.”

Se gape re se ithutang mo Baebeleng

• Mo metlheng ya bofelo go tla nna le dintwa, tlala, dithoromo tsa lefatshe le malwetse a mantsi a a kotsi.—Mathaio 24:3, 7; Luke 21:11.

• Mo metlheng ya bofelo, batho ga ba kitla ba itshwara sentle e bile ba tla tlogela go direla Modimo.—2 Timotheo 3:2-5.

Batho ba tla nna le bokamoso jo bo ntseng jang?

Batho bangwe ba dumela gore . . . kwa bokhutlong jwa metlha ya bofelo, lefatshe le tla fedisiwa le batho botlhe ba ba mo go lone, mme ba bangwe ba dumela gore maemo a tla tokafala. Wena o akanya eng?

Se Baebele e se buang

“Basiami ba tla rua lefatshe, mme ba tla aga mo go lone ka bosakhutleng.”—Pesalema 37:29.

Se gape re se ithutang mo Baebeleng

• Kwa bokhutlong jwa metlha ya bofelo, dilo tsotlhe tse di sa siamang di tla fedisiwa.—1 Johane 2:17.

• Lefatshe le tla fetolwa paradaise.—Isaia 35:1, 6.