9 Naʻá ne ngaohi leva ʻa e lotoʻaá.+ Naʻá ne ngaohi ʻa e puipui ki he tafaʻaki fakatonga ʻo e lotoʻaá, mei he līneni lelei kuo vilohi hono filó, ko e kiupite ʻe 100,+ ʻo hanga ki he tongá. 10 Naʻe ʻi ai ʻa e pou ʻe 20 mo e tuʻuʻanga kopa ʻe 20, pea ko e ngaahi huka ʻo e ngaahi poú mo honau ngaahi tautauʻangá* naʻe ngaohi ia mei he silivá. 11 Pehē foki, ki he tafaʻaki fakatokelaú, naʻe ʻi ai ʻa e puipui naʻe kiupite ʻe 100. Ko honau pou ʻe 20 mo honau tuʻuʻanga ʻe 20 naʻe ngaohi ia mei he kopá. Ko e ngaahi huka ʻo e ngaahi poú mo honau ngaahi tautauʻangá* naʻe ngaohi ia mei he silivá.