Siulai 28⁠–ʻAokosi 3
Polokalama Ngāue ki he Fakataha Moʻuí mo e Ngāue Fakafaifekaú—2025 | Siulai

SIULAI 28–ʻAOKOSI 3

PALŌVEEPI 24

Hiva 38 mo e Lotu | Lea Kamata (1 min.)

KOLOA MEI HE FOLOFOLA ʻA E ʻOTUÁ

1. ʻAi Koe Ke Ke Mālohi ki he Taimi Faingataʻá

(10 min.)

Feinga ke maʻu ʻa e ʻiló mo e potó (Pal. 24:5; it-2 610 ¶8)

Tauhi maʻu hoʻo taimi-tēpile fakalaumālié, naʻa mo e taimi ʻokú ke loto-siʻi aí (Pal. 24:10; w09 12/15 18 ¶12-13)

Ko e mālohi fakalaumālié ʻokú ne tokoniʻi kitautolu ke fakaakeake mei he ngaahi faingataʻá (Pal. 24:16; w20.12 15)

Ko ha tuofefine ʻoku tofanga ʻi ha puke lahi, ʻokú ne fiefia ʻi he ngāue mo hono kaumeʻá ʻi he ngāue fakafaifekau fale-ki-he-falé. ʻOkú ne vahevahe ha meʻa ʻi heʻene tepiletí ki ha fefine ʻi he matapaá.

2. Makakoloa Fakalaumālie

(10 min.)

  • Pal. 24:27—Ko e hā ʻa e poini ʻoku ʻomai ʻi he palōveepi ko ení? (w09 10/15 12)

  • Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

3. Lau Tohi Tapu

(4 min.) Pal. 24:​1-20 (th ako 11)

TOKANGATAHA KI HE NGĀUE FAKAMALANGÁ

4. Kamataʻi ha Fetalanoaʻaki

(2 min.) FOUNGA ʻIKAI ANGA-MAHENI. ʻOku ʻosi ʻa e fetalanoaʻakí ia ki muʻa ke ke faifakamoʻoni. (lmd lēsoni 2 poini 4)

5. Kamataʻi ha Fetalanoaʻaki

(3 min.) FALE KI HE FALE. (lmd lēsoni 3 poini 4)

6. Kamataʻi ha Fetalanoaʻaki

(3 min.) ʻI HE FEITUʻU KAKAÍ. Tala ange ki he tokotahá ʻetau polokalama ako Tohi Tapú pea ʻoange kiate ia ha kaati fetuʻutaki ako Tohi Tapu. (lmd lēsoni 4 poini 3)

7. Malanga

(3 min.) lmd fakamatala fakalahi A poini 11—Kaveingá: ʻOku Folofola Mai ʻa e ʻOtuá Kiate Kitautolu. (th ako 6)

MOʻUI KO HA KALISITIANE

Hiva 99

8. Fetokoniʻaki Lolotonga ʻa e Ngaahi Taimi Faingataʻá

(15 min.) Fetalanoaʻaki.

ʻE lava ke hoko fakafokifā ʻa e mafola ʻa ha mahaki, fakatamaki fakanatula, moveuveu fakapolitikale, tau, pe fakatanga. ʻI he hoko ʻa e ngaahi faingataʻá, ʻoku fakatahataha ʻa e kau Kalisitiane kuo uesiá ke fetokoniʻaki mo fefakalototoʻaʻaki. Kae kehe, neongo kapau ʻoku ʻikai ke uesia fakahangatonu kitautolu, ʻoku tau ongoʻi ʻa e mamahi ʻa hotau kaungā-Kalisitiané pea ʻoku tau fai hotau lelei tahá ke tokoni kiate kinautolu.—1 Kol. 12:​25, 26.

Fakatātā: Ko e fanga tokouá mo e fanga tuofāfiné ʻoku nau tokoni ki honau kaungātuí ʻi he ngaahi founga kehekehe. 1. ʻOku toe langa ʻe he fanga tokouá mo e fanga tuofāfiné ha Fale Fakatahaʻanga naʻe maumau ʻi ha fakatamaki fakanatula. 2. ʻOku talitali loto-māfana ʻe he fanga tokouá mo e fanga tuofāfiné ha faʻē mo hono ʻofefine ʻokú na kumi hūfanga. 3. Ko ha tuofefine ʻokú ne lī ha tokoni ki ha puha tokoni ʻi he Fale Fakatahaʻangá. 4. ʻOku tokonaki ʻe he fanga tokouá mo e fanga tuofāfiné ʻa e ngaahi fiemaʻu tefito ʻa honau kaungātui ʻoku kumi hūfanga ʻi ha Fale Fakatahaʻanga. 5. ʻOku fetuku ʻe he kau ngāue polé ha ngaahi hina vai. 6. Ko ha tokoua ʻoku fai ʻene lotu.

Lau ʻa e 1 Tuʻi 13:6 mo e Sēmisi 5:16e. ʻEke leva ki he kau fanongó:

  • Ko e hā ʻoku mālohi ai ʻa e ngaahi lotu ʻoku fai ʻe he kau sevāniti ʻa e ʻOtuá maʻá e niʻihi kehé?

Lau ʻa e Maʻake 12:​42-44 mo e 2 Kolinitō 8:​1-4. ʻEke leva ki he kau fanongó:

  • Neongo kapau ʻoku tau masiva pea ʻikai lahi ʻa e meʻa ʻoku tau maʻu ke foaki ki he ngāue ʻi māmani lahí ke tokoni ki he fanga tokouá, ko e hā ʻoku totonu ai ke ʻoua te tau toumoua ke fai peheé?

Huluʻi ʻa e VITIŌ Fakaivimālohiʻi ʻa e Fanga Tokouá Lolotonga ʻa e Fakataputapuí. ʻEke leva ki he kau fanongó:

  • Ko e hā ʻa e ngaahi feilaulau ʻofa naʻe fai ʻe he fanga tokouá ke tokoni ki he kaungā-Kalisitiane ʻoku nau nofo ʻi he feituʻu naʻe tapui ai ʻetau ngāué ʻi ʻIulope Hahaké?

  • Lolotonga ʻa e fakataputapuí, naʻe anga-fēfē talangofua ʻa e fanga tokouá ki he fekau ke fakataha fakatahataha pea fefakalototoʻaʻakí?—Hep. 10:​24, 25

9. Ako Tohi Tapu ʻa e Fakatahaʻangá

(30 min.) lfb lēsoni 4-5

Lea Fakaʻosi (3 min.) | Hiva 112 mo e Lotu

Meʻa ʻi Lotó
Ko e Taua Leʻo (Ako)—2025 | Mē

Kupu Ako 21: Siulai 28, 2025–ʻAokosi 3, 2025

14 Tatali ki he Kolo ʻE Tuʻuloá