15 Pea ʻe toʻo ʻe he taulaʻeikí ʻa e konga ʻo e fua loka ʻo e loló+ ʻo lilingi ia ki hono ʻaofinima toʻohema ʻoʻoná. 16 ʻE unu leva ʻe he taulaʻeikí ʻa hono foʻi tuhu toʻomataʻú ʻi he lolo ʻa ia ʻoku ʻi hono ʻaofinima toʻohemá pea afuhi tuʻo fitu ʻaki hono foʻi tuhú ʻa e konga ʻo e loló ʻi he ʻao ʻo Sihová. 17 ʻE ʻai leva ʻe he taulaʻeikí ʻa e konga ʻo e lolo ʻoku toe ʻi hono ʻaofinimá ki he lauʻitelinga toʻomataʻu ʻo e tokotaha ʻoku fai hono fakamaʻá pea ʻi he motuʻa-tuhu ʻo hono nima toʻomataʻú pea ʻi he motuʻa-vaʻe ʻo hono vaʻe toʻomataʻú ʻi ʻolunga ʻi he toto ʻo e feilaulau halaiá. 18 Ko e taulaʻeikí te ne ʻai ʻa e meʻa ʻoku toe mei he lolo ʻi hono ʻaofinimá ki he ʻulu ʻo e tokotaha ʻoku fai hono fakamaʻá, pea ʻe fai ai ʻe he taulaʻeikí ha ʻufiʻufi angahala maʻá e tokotahá ʻi he ʻao ʻo Sihová.+