8 Te u ʻalu hifo* ke fakahaofi kinautolu mei he nima ʻo e kau ʻIsipité+ pea ke ʻomai kinautolu mei he fonua ko iá ki ha fonua ʻoku lelei mo ʻataʻatā, ko ha fonua ʻoku mahutafea ʻi he huʻakau mo e hone,+ ʻa e feituʻu ʻo e kau Kēnaní, kau Hetí, kau ʻĀmolí, kau Pēlisí, kau Heví, mo e kau Siepusí.+

7 Mou hiki ʻo ʻalu ki he feituʻu moʻungaʻia ʻo e kau ʻĀmolí+ pea ki he kotoa honau ngaahi kaungāʻapi ʻi he ʻAlapá,*+ mo e feituʻu moʻungaʻiá, mo e Sefelaʻá,* mo e feituʻu Nīkepí,* pea mo e matātahí,+ ʻa e fonua ʻo e kau Kēnaní, mo Lepanoni,*+ ʻo aʻu ki he vaitafe lahí, ʻa e vaitafe ʻIufaletesí.+

11 Ka ko e fonua ʻoku teu ke mou kolosi ki ai ʻo maʻú ko ha fonua ia ʻo e ngaahi moʻunga mo e ngaahi teleʻa lautoka.+ ʻOkú ne inumia ʻa e vai ʻoku tō hifo mei he langí;+ 12 ko ha fonua ia ʻoku tokangaʻi ʻe Sihova ko ho ʻOtuá. ʻOku ʻi ai maʻu pē ʻa e fofonga ʻo Sihova ko ho ʻOtuá, mei he kamataʻanga ʻo e taʻú ki he ngataʻanga ʻo e taʻú.