LAIPELI Taua Le‘o ‘I HE ‘INITANETÍ

ʻEkisoto 9:16

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 16 Ka ko eni ʻa e ʻuhinga tofu pē kuó u kei tuku ai koe ke ke moʻuí: Ke fakahaaʻi kiate koe ʻa hoku mālohí pea ke talaki ʻa hoku huafá ʻi he kotoa ʻo e māmaní.+

ʻEkisoto 15:13, 14

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 13 ʻI hoʻo ʻofa mateakí kuó ke taki ʻa e kakai ʻa ia kuó ke huhuʻí;+
  ʻI ho mālohí te ke tataki kinautolu ki ho ʻafioʻanga māʻoniʻoní.
  
  14 Ko e ngaahi kakaí kuo pau ke nau fanongo;+ te nau hoko ai ʻo tetetete;
  Ko e mamahí* te ne pukenimā ʻa e kakai ʻo Filisitiá.

Siosiua 2:9, 10

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 9 Naʻá ne pehē atu ki he ongo tangatá: “ʻOku ou ʻiloʻi ʻe foaki atu ʻe Sihova kiate kimoutolu ʻa e fonuá+ pea ko e manavahē kiate kimoutolú kuo tō mai ia kiate kimautolu.+ Ko e kau nofo kotoa ʻi he fonuá ʻoku nau loto-siʻi koeʻuhí ko kimoutolu,+ 10 he kuo mau fanongo ki hono fakamātuʻu ʻe Sihova ʻa e vai ʻo e Tahi Kulokulá ʻi homou ʻaó ʻi hoʻomou mavahe mei ʻIsipité+ mo e meʻa naʻa mou fai ki he ongo tuʻi ʻo e kau ʻĀmolí, ʻa Sīhoni+ mo ʻOki,+ ʻa ia naʻa mou tuku atu ki he fakaʻauha ʻi he tafaʻaki ʻe taha* ʻo Sioataní.