• Livitiko 9:23, 24
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 23 Fakaʻosí, naʻe hū ʻa Mōsese mo ʻĒlone ki he tēniti feʻiloakiʻangá peá na hū mai ki tuʻa ʻo tāpuakiʻi ʻa e kakaí.+

      Naʻe hā mai he taimi ko ení ʻa e lāngilangi ʻo Sihová ki he kakaí kotoa,+ 24 pea naʻe haʻu ha afi meia Sihova+ ʻo ne kamata keina ʻa e feilaulau tutú mo e ngaahi kongokonga ngako ʻi he funga ʻōlitá. ʻI he sio ʻa e kakaí kotoa ki aí, naʻa nau kamata kaikaila pea naʻa nau tō foʻohifo ki he kelekelé.+

  • Fakamaau 6:21
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 21 Naʻe mafao atu leva ʻe he ʻāngelo ʻa Sihová ʻa e muiʻi tokotoko naʻe ʻi hono nimá ʻo lave ki he kakanoʻi-manú mo e mā taʻelēvaní, pea naʻe puho hake ha afi mei he maká ʻo ne keina ʻa e kakanoʻi-manú mo e mā taʻelēvaní.+ Pea naʻe puli leva ʻa e ʻāngelo ʻa Sihová ʻo ʻikai te ne toe sio ki ai.