16 Naʻe toe lilingi foki ʻe Manase ʻa e toto taʻehalaia lahi ʻaupito ʻo aʻu ki heʻene fakafonu ʻa Selusalema mei he ngataʻanga ʻe tahá ki he ngataʻanga ʻe tahá,+ tuku kehe ʻa ʻene angahala ʻi heʻene fakatupunga ke faiangahala ʻa Siuta ʻaki hono fai ʻa e meʻa naʻe kovi ʻi he vakai mai ʻa Sihová.

26 Ka neongo ia, naʻe ʻikai ke tafoki ʻa Sihova mei heʻene houhau kakaha ki Siutá koeʻuhi ko e ngaahi meʻa fakatupu houhau kotoa naʻe fai ʻe Manase ke fakahouhauʻi ai Iá.+

11 Ko ia naʻe ʻomi ai ʻe Sihova kiate kinautolu ʻa e kau ʻeikitau ʻa e tuʻi ʻo ʻAsīliá, pea nau puke ʻa Manase ʻaki ha ngaahi mātaʻu ʻo nau haʻi ia ʻaki ha ongo meʻa-haʻi kopa pea ʻave ia ki Pāpilone. 12 ʻI heʻene faingataʻaʻiá, naʻá ne kōlenga kia Sihova ko hono ʻOtuá ki ha hōifua* peá ne mātuʻaki fakatōkilaloʻi ai pē ia ʻi he ʻao ʻo e ʻOtua ʻo ʻene fanga kuí. 13 Naʻá ne toutou lotu kiate Ia, pea naʻe ueʻi Ia ʻe heʻene kolé ʻo ne fanongo ki heʻene kole ki ha hōifuá, peá Ne fakafoki ia ki hono tuʻunga-tuʻí+ ki Selusalema. Pea naʻe hoko ai ʻo ʻiloʻi ʻe Manase ko Sihova pē ʻa e ʻOtua moʻoní.+