34 Pea naʻá ne toe feitama foki ʻo ne fāʻeleʻi ha tama tangata peá ne pehē leva: “Ko eni ʻi he taimi ní ʻe kau mai leva kiate au ʻa hoku husepānití, he kuó u fāʻeleʻi kiate ia ha fānau tangata ʻe toko tolu.” Ko ia ai, naʻe fakahingoa ia ko Līvai.*+

5 “Ko Simione mo Līvaí ko e ongo tautehina.+ Ko e ongo meʻatau ʻo e fakamālohi ʻa ʻena heletā tāmaté.+ 6 ʻOua naʻa ʻalu atu ke kau fakataha mo kinaua, siʻeku moʻui. ʻOua naʻa kau ki heʻena fakatahá, ʻe hoku lāngilangi,* koeʻuhí ʻi heʻena ʻitá naʻá na tāmateʻi ai ʻa e kau tangata,+ pea naʻe maʻu ʻena fiefiá heʻena tuʻusi ʻa e uoua ʻi he vaʻe ʻo e fanga pulú. 7 Ke malaʻia ʻena ʻitá, koeʻuhi ʻoku anga-fakamālohi, pea mo ʻena tōlilí, koeʻuhi ʻoku kakaha.+ Tuku ke u fakamovetevete kinaua ʻi he fonua ʻo Sēkopé, pea tuku ke u ʻai ke na mafola atu ʻi ʻIsileli.+