11 Naʻe pehē leva ʻe Mōsese kia Sihova: “Ko e hā kuó ke fakamamahiʻi ai ʻa hoʻo sevānití? Ko e hā ʻoku ʻikai ai te u maʻu ʻa hoʻo hōifuá, ʻo ke hilifaki mai ai ʻa e kavenga ʻa e fuʻu kakaí ni kotoa kiate aú?+

15 Kapau ʻe peheni ʻa e anga hoʻo tōʻongafai mai kiate aú, ke ke tāmateʻi muʻa au he taimí ni pē.+ Kapau kuó u maʻu ʻa hoʻo hōifuá, ʻoua ʻe ʻai au ke u toe sio ki ha faingataʻa.”

3 Naʻá ne hoko ai ʻo ilifia, ko ia naʻá ne tuʻu hake ʻo ne hola telia ʻene moʻuí.+ Naʻá ne aʻu ki Pea-sipa,+ ʻa ia ʻoku kau ki Siutá,+ pea naʻá ne tuku ai ʻene tamaioʻeikí. 4 Naʻá ne ʻalu ʻi ha fononga ʻaho ʻe taha ki he toafá peá ne aʻu atu ʻo ne tangutu ʻi ha lalo ʻakau vao, peá ne kole ke ne mate. Naʻá ne pehē: “Kuo feʻunga! Pea ko eni, ʻe Sihova, toʻo ā ʻeku moʻuí,+ he ʻoku ʻikai te u lelei ange au ʻi heʻeku fanga kuí.”

16 ʻOku ou fehiʻa ʻi heʻeku moʻuí;+ ʻoku ʻikai te u loto ke u kei moʻui atu.

Tukunoaʻi ange au, he ko hoku ngaahi ʻahó ʻoku hangē ha mānavá.+

2 Ko ia naʻá ne lotu kia Sihova: “Ko eni, ʻe Sihova, ʻikai ko e meʻa eni naʻá ku hohaʻa ki ai ʻi he taimi naʻá ku ʻi hoku fonuá aí? Ko e ʻuhinga ia naʻá ku feinga ai ke u hola ki Tāsisi+ ʻi he ʻuluaki taimí; he naʻá ku ʻilo ko e ʻOtua manavaʻofa* mo mohu meesi koe, tuai ki he houhau pea fonu ʻi he ʻofa mateaki,+ pea ʻokú ke mateuteu ke liliu hoʻo fakakaukaú pea ʻikai fai ha tautea. 3 Ko eni, ʻe Sihova, toʻo ange ā muʻa ʻeku moʻuí, he ʻoku lelei ange kiate au ke u mate ʻi haʻaku moʻui.”+