-
Siosiua 13:27, 28Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
27 pea ʻi he teleʻá,* ko Pete-hālami, Pete-nimila,+ Sūkote,+ mo Safoni, ʻa e toenga ʻo e puleʻanga fakatuʻi ʻo Tuʻi Sīhoni ʻo Hesiponí,+ pea ko Sioatani ʻa hono kauʻāfonuá, ʻa e tafaʻaki fakahahake ʻo Sioataní mei he ngataʻanga fakatonga ʻo e Tahi Kineletí.*+ 28 Ko e tofiʻa eni ʻo e haʻa Katá ʻo fakatatau ki honau ngaahi fāmilí, fakataha mo e ngaahi koló mo honau ngaahi nofoʻangá.
-
-
Saame 108:7-9Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
7 Kuo folofola ʻa e ʻOtuá ʻi heʻene māʻoniʻoní:*
“Te u fiefia, pea te u ʻoatu ʻa Sīkemi+ ko ha tofiʻa,
8 ʻOku ʻaʻaku ʻa Kiliati,+ pehē foki mo Manase,
Pea ko ʻIfalemi ʻa e tatā* ki hoku ʻulú;+
Ko Siuta ʻa ʻeku tokotoko pulé.+
9 Ko Mōape ʻa ʻeku pēsoni fanofanó.+
Te u lī ʻa hoku senitoló ki ʻĪtomi.+
Te u kaila ʻi he ikuna ki Filisitia.”+
-