• Saame 15:1-5
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 15 ʻE Sihova, ko hai nai ʻe hoko ko ha tokotaha fakaafe ʻi ho tēnití?

      Ko hai nai ʻe nofo ʻi ho moʻunga tapú?+

       2 Ko e tokotaha ʻoku ʻaʻeva taʻemelé,*+

      ʻO fai ʻa e meʻa ʻoku totonú+

      Pea leaʻaki ʻa e moʻoni ʻoku ʻi hono lotó.+

       3 ʻOku ʻikai te ne lauʻikovi loi ʻaki hono ʻeleló,+

      ʻOku ʻikai te ne fai ha kovi ki hono kaungāʻapí,+

      Pea ʻoku ʻikai te ne fakaongoongokoviʻi* ʻa hono ngaahi kaumeʻá.+

       4 ʻOkú ne talitekeʻi ha taha pē ʻoku anga-palakū,+

      Ka ʻokú ne fakaʻapaʻapaʻi ʻa e faʻahinga ʻoku nau manavahē kia Sihová.

      ʻOku ʻikai te ne fakafoki ʻa ʻene palōmesí,* neongo kapau ʻe kovi kiate ia.+

       5 ʻOku ʻikai te ne tuku ke nō atu ʻene paʻangá ki ha tupu,+

      Pea ʻoku ʻikai te ne tali ha totongi fufū ke tukuakiʻi loi ai ʻa e tonuhiá.+

      ʻIlonga ʻa ia ʻokú ne fai ʻa e ngaahi meʻa ko ení ʻe ʻikai ʻaupito ke ueʻia.*+

  • Saame 84:1-4
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 84 He ʻofa lahi* ē ko au ki ho tāpanekale fisifisimuʻá,+

      ʻE Sihova ʻo e ngaahi kau tau!

       2 ʻOku holi ʻa ʻeku moʻuí,

      ʻIo, ʻoku ou pongia ʻi he fakaʻamu,

      Ki he ongo lotoʻā ʻo Sihová.+

      ʻOku kaila fiefia ʻa hoku lotó mo hoku kakanó ki he ʻOtua moʻuí.

       3 Naʻa mo e manupuná ʻokú ne maʻu ha nofoʻanga ʻi ai

      Pea mo e pekepeká ha pununga ʻi ai,

      ʻA ia ʻokú ne tokangaʻi ai hono ʻuhikí

      ʻO ofi ki ho ʻōlita maʻongoʻongá, ʻe Sihova ʻo e ngaahi kau tau,

      Ko hoku Tuʻi mo hoku ʻOtua!

       4 Fiefia ē ko e faʻahinga ʻoku nofo ʻi ho falé!+

      ʻOku hokohoko atu ʻenau fakahīkihikiʻi koé.+ (Sila)