LAIPELI Taua Le‘o ‘I HE ‘INITANETÍ

Sēnesi 3:19

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 19 Te ke kai ʻa e maá* ʻi he kakava ʻo ho matá kae ʻoua ke ke foki ki he kelekelé, he naʻe toʻo koe mei ai.+ He ko e efu koe pea ko e efu te ke foki ki aí.”+

Siope 34:14, 15

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 14 Kapau te ne fakahangataha ʻene tokangá* kiate kinautolu,
  Kapau te ne tānaki mai kiate ia honau laumālié mo ʻenau mānavá,+
  15 ʻE ʻauha fakataha kotoa ʻa e faʻahinga ʻo e tangatá,*
  Pea ʻe foki ʻa e faʻahinga ʻo e tangatá ki he efú.+

Saame 146:3, 4

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 3 ʻOua naʻa tuku hoʻomou falalá ʻi he kau houʻeikí*
  Pe ʻi he foha ʻo e tangatá, ʻa ia ʻoku ʻikai lava ke ne ʻomi ha fakamoʻuí.+
  
  4 ʻOku mole atu hono laumālié,* ʻokú ne foki ki he kelekelé;+
  ʻI he ʻaho pē ko iá ʻoku mole ai ʻene ngaahi fakakaukaú.+

Tangata Malanga 3:19, 20

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 19 he ʻoku ʻi ai ha ikuʻanga ki he faʻahinga ʻo e tangatá mo ha ikuʻanga ki he fanga manú; ʻoku nau maʻu kotoa ʻa e ikuʻanga tatau.+ Hangē ko e mate ʻa e taha ko eé, ʻoku pehē ʻa e mate ʻa e taha ko eé; pea ʻoku nau maʻu kotoa ʻa e laumālie* pē ʻe taha.+ Ko ia ai, ʻoku ʻikai ke māʻolunga ange ʻa e tangatá ʻi he fanga manú, he ko e muna ʻa e meʻa kotoa pē. 20 ʻOku nau ʻalu kotoa pē ki he feituʻu tatau.+ Ko ʻenau haʻu kotoa pē mei he efú,+ pea ʻoku nau foki kotoa pē ki he efú.+

Tangata Malanga 12:7

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 7 Pea ʻoku foki leva ʻa e efú ki he kelekelé,+ ʻo hangē ko ia naʻe ʻi ai ʻi muʻá, pea foki leva ʻa e laumālié* ki he ʻOtua moʻoní ʻa ia naʻá ne foaki mai iá.+