• 2 Sāmiuela 22:26-31
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 26 Ki he tokotaha ʻoku mateakí ʻokú ke faimateaki ki ai;+

      Ki he tangata mālohi mo taʻemelé, ʻokú ke fakafeangai taʻemele ki ai;+

      27 Kiate ia ʻoku maʻá ʻokú ke fakafeangai ki ai ʻi he maʻa,+

      Ka kiate ia ʻoku anga-pikopikó ʻokú ke fakafeangai ki ai ʻi he ʻiloʻilo.*+

      28 He ʻokú ke fakahaofi ʻa e faʻahinga ʻoku anga-fakatōkilaló,+

      Ka ʻoku ʻikai hōifua ho fofongá ki he hīkisiá, pea ʻokú ke fakamāʻulaloʻi kinautolu.+

      29 He ko hoku māmá ʻa e ʻAfiona, ʻe Sihova;+

      Ko Sihova ia ʻokú ne fakamaama ʻa e fakapoʻuli+ ʻoku ʻiate aú.

      30 ʻI hoʻo tokoní ʻoku lava ai ke u ʻohofi ha kau kaihaʻa fakamālohi;

      ʻI he mālohi ʻo e ʻOtuá ʻoku lava ai ke u kaka ʻi ha ʻā.+

      31 Ko e founga ʻa e ʻOtua moʻoní ʻoku haohaoa;+

      Ko e folofola ʻa Sihová kuo sivi.+

      Ko ha pā ia ki he faʻahinga kotoa ʻoku hūfanga kiate iá.+