20 Naʻe fai leva ʻe Mōsese mo ʻĒlone ʻa e meʻa tofu pē ko ia naʻe tuʻutuʻuni ʻe Sihová. Naʻá ne hiki hake ʻa e tokotokó ʻo taaʻi ʻa e vai naʻe ʻi he Vaitafe Nailá ʻi he ʻao ʻo Felo mo ʻene kau sevānití, pea ko e kotoa ʻo e vai naʻe ʻi he vaitafé naʻe liliu ia ko e toto.+

6 Ko ia naʻe mafao atu ʻe ʻĒlone ʻa hono nimá ki he ngaahi vai ʻo ʻIsipité, pea naʻe kamata ke ʻalu hake ʻa e fanga potó ʻo nau kāpui ʻa e fonua ko ʻIsipité.

17 Pea naʻá na fai ʻa e meʻá ni. Naʻe mafao atu ʻe ʻĒlone ʻa hono nimá mo hono tokotokó ʻo taaʻi ʻa e efu ʻo e fonuá, pea naʻe haʻu ʻa e fanga namú ki he tangatá mo e manú. Ko e efu kotoa ʻo e fonuá naʻe hoko ia ko e fanga namu ʻi he fonua kotoa ko ʻIsipité.+

6 Pea naʻe fai ʻe Sihova ʻa e meʻá ni ʻi he ʻaho pē hono hokó, pea naʻe kamata ke mate+ ʻa e faʻahinga monumanu kotoa pē ʻa ʻIsipité, ka naʻe ʻikai ke mate ha taha ʻo e fanga monumanu ʻa ʻIsilelí.

10 Ko ia naʻá na toʻo ha efuefu mei ha fōnise peá na tuʻu ʻi he ʻao ʻo Feló, pea naʻe tupeʻi atu ia ʻe Mōsese ki he ʻeá, pea naʻe hoko ia ko e ngaahi hangatāmaki fakapela ʻo laku mai ia ʻi he tangata mo e manu.

23 Ko ia naʻe mafao atu ʻe Mōsese ʻa hono tokotokó ki he langí, pea naʻe tuku mai ʻe Sihova ʻa e mana mo e ʻuha-ʻaisi, pea naʻe ʻalu hifo ʻa e afi* ki he fonuá, pea naʻe hanganaki ʻai ʻe Sihova ke tō hifo ʻa e ʻuha-ʻaisí ki he fonua ko ʻIsipité.

12 Naʻe folofola leva ʻa Sihova kia Mōsese: “Mafao atu ho nimá ki he fonua ko ʻIsipité ki he fanga heʻé, koeʻuhí ke nau ʻalu hake ki he fonua ko ʻIsipité ʻo kai ke ʻosi ʻa e ʻakau kotoa pē ʻo e fonuá, ʻa e meʻa kotoa pē naʻe toe mei he ʻuha-ʻaisí.”

21 Naʻe folofola ange leva ʻa Sihova kia Mōsese: “Mafao atu ho nimá ki he langí koeʻuhí ke hoko ha fakapoʻuli ʻi he fonua ko ʻIsipité, ko ha fuʻu fakapoʻulituʻu.”