8 Ko ia ke ke leaʻaki eni ki heʻeku sevāniti ko Tēvitá, ‘Ko e meʻa eni ʻoku leaʻaki ʻe Sihova ʻo e ngaahi kau taú: “Naʻá ku toʻo mai koe mei he ngaahi kaikaiʻangá, mei he muimui ʻi he tākangá,+ ke ke hoko ko ha taki ki hoku kakai ko ʻIsilelí.+ 9 Pea te u ʻiate koe ʻi ha feituʻu pē te ke ʻalu ki ai,+ pea te u fakaʻauha* ʻa e kotoa ʻo ho ngaahi filí mei ho ʻaó;+ pea te u ʻai ke ongoongoa ho hingoá+ ʻo hangē ko e hingoa ʻo e kau tangata ongoongoa ʻo e māmaní.