8 Ko ia naʻá ne fai ai ha ngaahi tohi ʻi he hingoa ʻo ʻĒhapí ʻo silaʻi ʻaki ia ʻene silá+ pea ʻave ʻa e ngaahi tohí ki he kau mātuʻa+ mo e houʻeiki ʻa ia naʻe nofo ʻi he kolo ʻo Nēpoté. 9 Naʻá ne tohi ʻi he ngaahi tohí: “Fanongonongo ha ʻaukai, pea ʻai ʻa Nēpote ke ne tangutu ʻi muʻa ʻi he kakaí. 10 Pea ʻai ha ongo tangata ko e koto taʻeʻaonga ke na tangutu ʻi muʻa ʻiate ia ʻo fai hano talatalaakiʻi,+ ʻo pehē, ‘Kuó ke lauʻikoviʻi ʻa e ʻOtuá pea mo e tuʻí!’+ Pea ʻomi leva ia ki tuʻa ʻo tolomakaʻi ke ne mate.”+

11 Ko ia ko e kau tangata ʻi hono koló, ʻa e kau mātuʻá pea mo e houʻeiki naʻe nofo ʻi hono koló, naʻa nau fai ʻa e meʻa tofu pē naʻe hiki ʻi he ngaahi tohi ʻa ia naʻe ʻave ʻe Sisipeli kiate kinautolú.

4 Naʻe pehē ange ʻe he houʻeikí ki he tuʻí: “Tāmateʻi muʻa ʻa e tangatá ni,+ he ko e anga eni ʻo ʻene fakavaivaiʻi ʻa e loto* ʻo e kau sōtia ʻoku toe ʻi he koló ni pea pehē ki he loto ʻo e kakaí kotoa, ʻaki ʻene fai ʻa e ngaahi lea ko iá kiate kinautolu. He ʻoku kumi ʻa e tangatá ni, ʻo ʻikai ki he melino ʻa e kakaí ni, ka ki haʻanau kovi.” 5 Naʻe tali ange ʻe Tuʻi Setekaia: “Vakai! ʻOkú ne ʻi homou ʻaofinimá, he ʻoku ʻikai lava ke fai ʻe he tuʻí ha meʻa ʻe taha ke taʻofi kimoutolu.”