9 Naʻe hoko atu ʻa Sihova ʻo ne folofola kia Mōsese: “Kuó u vakai ko ha kakai loto-fefeka*+ eni.

13 Naʻe toutou fakatokanga ʻa Sihova ki ʻIsileli mo Siuta fakafou ʻi heʻene kau palōfitá kotoa mo e tokotaha-vīsone kotoa,+ ʻo pehē: “Tafoki mei homou ngaahi ʻalunga fulikivanú!+ Tauhi ʻa ʻeku ngaahi fekaú mo ʻeku ngaahi tuʻutuʻuní ʻo fakatatau ki he lao kotoa pē naʻá ku fekauʻi ki hoʻomou fanga kuí pea naʻá ku tuku atu kiate kimoutolu fakafou ʻi heʻeku kau sevāniti ko e kau palōfitá.” 14 Ka naʻe ʻikai te nau fanongo, pea naʻa nau kei loto-fefeka ai pē ʻo hangē tofu pē ko* ʻenau fanga kui naʻe ʻikai te nau fakahāhā ʻa e tui kia Sihova ko honau ʻOtuá.+

15 Naʻe hanganaki fakatokanga ʻa Sihova ko e ʻOtua ʻo ʻenau fanga kuí kiate kinautolu ʻo fakafou ʻi heʻene kau talafekaú, ʻo toutou fakatokanga, koeʻuhí naʻá ne ongoʻi manavaʻofa ki hono kakaí pea ki hono ʻafioʻangá. 16 Ka naʻa nau hanganaki lumaʻi ʻa e kau talafekau ʻa e ʻOtua moʻoní,+ pea nau taʻetokaʻi ʻene folofolá+ mo manukiʻi ʻa ʻene kau palōfitá,+ kae ʻoua ke hoko mai ʻa e houhau ʻa Sihová ki hono kakaí,+ pea aʻu ʻo ʻikai lava ke fakamoʻui kinautolu.

7 Ka ʻe fakafisi ʻa e fale ʻo ʻIsilelí ke fanongo kiate koe, he ʻoku ʻikai te nau fie fanongo mai kiate au.+ Ko e faʻahinga kotoa ʻi he fale ʻo ʻIsilelí ʻoku nau laʻe-fefeka mo loto-fefeka.+