• Teutalōnome 30:1-3
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 30 “ʻI he hoko mai kiate koe ʻa e ngaahi lea kotoa ko ení, ʻa e tāpuaki mo e mala kuó u fokotuʻu ʻi ho ʻaó,+ peá ke manatuʻi ia*+ ʻi he ngaahi puleʻanga kotoa ʻa ia kuo fakamovete koe+ ki ai ʻe Sihova ko ho ʻOtuá, 2 peá ke foki kia Sihova ko ho ʻOtuá+ ʻaki ho lotó kotoa mo hoʻo moʻuí kotoa+ pea fanongo ki hono leʻó ʻo fakatatau ki he meʻa kotoa ʻoku ou tuʻutuʻuni atu kiate koe he ʻaho ní, ʻa koe mo ho ngaahi fohá, 3 ʻe fakafoki mai leva ʻe Sihova ko ho ʻOtuá ʻa hoʻo kau pōpulá+ pea fakahaaʻi atu kiate koe ʻa e meesi+ pea toe tānaki mai koe mei he ngaahi kakai kotoa ʻa ia kuo fakamovete koe+ ki ai ʻe Sihova ko ho ʻOtuá.

  • ʻAisea 66:20
    Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní

    • 20 Te nau ʻomai homou fanga tokouá kotoa mei he kotoa ʻo e ngaahi puleʻangá+ ko ha meʻaʻofa kia Sihova, ʻi ha fanga hoosi, ʻi ha ngaahi saliote, ʻi ha ngaahi saliote fakafale, ʻi ha fanga miuli, pea ʻi ha fanga kāmeli veʻe-vave, ʻo ʻohake ki hoku moʻunga tapú, ki Selusalema,” ko e folofola ia ʻa Sihová, “ʻo hangē tofu pē ko e taimi ʻoku ʻomai ai ʻe he kakai ʻo ʻIsilelí ʻenau meʻaʻofá ʻi ha ʻaiʻanga meʻa ʻoku maʻa ki he fale ʻo Sihová.”