-
2 Kalonikali 32:21, 22Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
21 Pea naʻe fekauʻi atu ʻe Sihova ha ʻāngelo ʻo ne tafiʻi ʻosi ʻa e toʻa kotoa pē ʻi he taú,+ mo e taki, pea mo e ʻeiki ʻi he ʻapitanga ʻo e tuʻi ʻo ʻAsīliá, ko ia naʻá ne foki ai ki hono fonuá ʻi he mā. Naʻá ne hū ki mui ai ki he fale* ʻo hono ʻotuá, pea naʻe taaʻi ai ia ʻe he niʻihi ʻo hono ngaahi fohá ʻaki ʻa e heletā.+ 22 Ko ia naʻe fakahaofi ai ʻe Sihova ʻa Hesekaia mo e kakai ʻo Selusalemá mei he nima ʻo Tuʻi Senakalipe ʻo ʻAsīliá pea mei he nima ʻo e kakai kehe kotoa pē peá ne ʻoange kiate kinautolu ʻa e mālōlō ʻi he feituʻu kotoa pē.
-
-
ʻAisea 31:8Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
8 Pea ʻe tō ʻa e ʻAsīliá ʻi he heletaá, ʻo ʻikai ʻi he heletā ʻa ha tangata;
Pea ko ha heletā, ʻo ʻikai ko ha heletā ʻa ha tangata, te ne keina iá.+
Te ne hola koeʻuhi ko e heletaá,
Pea ko ʻene kau talavoú ʻe tuku kinautolu ki ha ngāue fakapōpula.
-
-
ʻAisea 37:36, 37Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
-
-
36 Pea naʻe ʻalu atu ʻa e ʻāngelo ʻa Sihová ʻo taaʻi ʻa e kau tangata ʻe toko 185,000 ʻi he ʻapitanga ʻo e kau ʻAsīliá. ʻI he tuʻu pongipongia hake ʻa e kakaí, naʻa nau sio atu ki he kotoa ʻo e ngaahi ʻangaʻangá.+ 37 Ko ia naʻe mavahe ai ʻa Tuʻi Senakalipe ʻo ʻAsīliá peá ne foki ki Ninive+ ʻo ne nofo ai.+
-