7 te u tuʻusi ʻa ʻIsileli mei he funga ʻo e fonua ʻa ia kuó u foaki kiate kinautolú,+ pea ko e fale kuó u fakatoputapuʻi maʻa hoku hingoá te u siʻaki mei hoku ʻaó,+ pea ʻe hoko ʻa ʻIsileli ko ha lumaʻanga* pea mo ha manukiaʻanga ʻi he lotolotonga ʻo e ngaahi kakaí kotoa.+

9 Te u ʻai ʻa e kakai ʻi he ngaahi puleʻanga kotoa ʻo e māmaní+ ke nau ilifia ʻi heʻenau sio ki he fakatamaki ʻoku ou ʻomi kiate kinautolú. ʻE lumaʻi kinautolu ʻe he kakaí; te nau ngāueʻaki kinautolu ko ha fakatātā ʻo e fakatamaki; ʻe manukiʻi kinautolu ʻe he kakaí pea talatukiʻi+ kinautolu ʻi he feituʻu kotoa pē ʻoku ou fakamovete kinautolu ki aí.+

18 “He ko e meʻa eni ʻoku folofolaʻaki ʻe Sihova ʻo e ngaahi kau tau, ko e ʻOtua ʻo ʻIsilelí: ‘Hangē tofu pē ko hono huaʻi hifo ʻo ʻeku ʻitá mo ʻeku tuputāmakí ki he kakai ʻo Selusalemá,+ ʻe pehē ʻa hono huaʻi hifo kiate kimoutolu ʻa ʻeku ʻitá ʻo kapau te mou ō ki ʻIsipite, pea te mou hoko ko ha meʻa ke fai ʻa e talatuki ki ai, ko ha meʻa ke fai ai ha fakalilifuʻia, ko ha mala, pea mo ha lumaʻanga,+ pea heʻikai ʻaupito te mou toe sio ʻi he feituʻú ni.’