LAIPELI Taua Le‘o ‘I HE ‘INITANETÍ

LAIPELI Taua Le‘o ‘I HE ‘INITANETÍ

LAIPELI ‘I HE ‘INITANETÍ

Saame 136:5

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 5 Naʻá ne ngaohi pōtoʻi* ʻa e langí,+
  He ko ʻene ʻofa mateakí ʻoku tolonga ʻo taʻengata.

Palōveepi 3:19

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 19 Naʻe tanupou ʻe Sihova ʻa e māmaní ʻi he poto.+
  
  Naʻá ne fokotuʻu maʻu ʻa e langí ʻi he ʻiloʻilo.+

ʻAisea 40:22

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 22 ʻOku ʻi ai ʻa e Tokotaha ʻoku ʻafio ʻi ʻolunga ʻi he takatakai* ʻo e māmaní,+
  Pea ko hono kakaí ʻoku nau hangē ko e fanga heʻé.
  
  ʻOkú ne falō atu ʻa e ngaahi langí ʻo hangē ha tupenu manifí,
  Pea ʻokú ne folahi atu ia ʻo hangē ha tēniti ke nofo aí.+

Selemaia 10:12-16

Liliu Tohi Tapu ʻo e Māmani Foʻoú ʻo e Tohi Tapu Māʻoniʻoní
- 12 Ko e Tokotaha-Ngaohi ia ʻo e māmaní ʻaki hono mālohí,
  Ko e Tokotaha ia naʻá ne fokotuʻu ʻa e fonua mahú ʻaki hono potó+
  Pea naʻá ne falō atu ʻa e ngaahi langí ʻaki ʻene mahinó.+
  
  13 ʻI heʻene ʻai ke ongona ʻa hono leʻó,
  ʻOku ʻuʻulu ai ʻa e ngaahi vai ʻi he langí,+
  Pea ʻokú ne ʻai ʻa e ngaahi ʻaó* ke ʻalu hake mei he ngaahi ngataʻanga ʻo e māmaní.+
  
  ʻOkú ne ʻai ʻa e ʻuhila* ki he ʻuhá,
  Pea ʻokú ne ʻomi ki tuʻa ʻa e matangí mei hono ngaahi feleokó.+
  
  14 ʻOku ngāue ʻa e tangata kotoa pē ʻo ʻikai ʻi he fakapotopoto pea ʻikai ʻi he ʻilo.
  
  ʻE mā ʻa e tokotaha tuki ukamea kotoa pē koeʻuhi ko e ʻīmisi kuó ne tongí;+
  He ko ʻene ʻīmisi mētalé* ko e koto loi,
  Pea ʻoku ʻikai ha laumālie* ʻiate kinautolu.+
  
  15 Ko ha ʻataʻi meʻa* pē kinautolu, ko ha ngāue ke manukia.+
  
  ʻI he hoko mai ʻa e ʻaho ʻo honau fakamāuʻí, te nau ʻauha ai.
  
  16 Ko e ʻInasi ʻo Sēkopé ʻoku ʻikai ke hangē ia ko e ngaahi ʻaitolí ni,
  He ko ia ʻa e Tokotaha naʻá ne faʻu ʻa e meʻa kotoa pē,
  Pea ko ʻIsileli ʻa e konga mahuʻinga taha ʻo hono tofiʻá.+
  
  Ko Sihova ʻo e ngaahi kau tau ʻa hono huafá.+