12 “‘Tauhi ʻa e ʻaho Sāpaté* ʻo ʻai ia ke toputapu, ʻo hangē tofu pē ko e fekau+ ʻa Sihova ko ho ʻOtuá kiate koé. 13 Ko hoʻo fakaongosiá mo hoʻo ngāué kotoa ke fai ia ʻi he ʻaho ʻe ono,+ 14 ka ko e ʻaho hono fitú ko ha Sāpate ia kia Sihova ko ho ʻOtuá.+ Kuo pau ke ʻoua naʻá ke fai ai ha ngāue,+ ʻa koe pe ko ho fohá pe ko ho ʻofefiné pe ko hoʻo tamaioʻeikí pe ko hoʻo kaunangá pe ko hoʻo pulú pe ko hoʻo ʻasí pe ko ha taha pē ʻi hoʻo fanga manu lalatá pe ko hoʻo muli ʻa ia ʻoku ʻi ho ngaahi koló,*+ koeʻuhí ke mālōlō ai ʻa hoʻo tamaioʻeikí mo hoʻo kaunangá ʻo hangē pē ko koé.+