7 Ka ko ʻEa, ʻa e ʻuluaki foha ʻo Siutá, naʻá ne fai ʻa e meʻa naʻe taʻefakahōifua kia Sihova; ko ia naʻe tāmateʻi ia ʻe Sihova. 8 ʻI he meʻa ko iá, naʻe pehē ai ʻe Siuta kia ʻŌnani: “Ke ke mohe mo e uaifi ho tokouá pea fakahoko mo ia ʻa e mali mo e tokoua ʻo e husepānití ʻo ʻohake ai ha hako maʻa ho tokouá.”+

5 “Kapau ʻe nofo fakataha ha kau tautehina pea mate ha taha ʻia kinautolu ʻo ʻikai hano foha, ko e uaifi ʻo e pekiá ʻe ʻikai te ne mali mo ha taha ʻi tuʻa mei he fāmilí. Ko e tokoua ʻo hono malí te ne ʻalu kiate ia, ʻo ne ʻave ia ke hoko ko hono uaifi, pea fakahoko mo ia ʻa e mali mo e tokoua ʻo e husepānití.+ 6 Ko e ʻuluaki foha te ne fanauʻí ʻe fakamoʻui ai ʻa e hingoa ʻo e pekiá,+ koeʻuhí ke ʻoua naʻa mole ʻosi ʻa hono hingoá mei ʻIsileli.+

11 Ka naʻe pehē ange ʻe Nāomi: “Mo foki, ʻa ʻeku ongo taʻahine. Ko e hā ke mo ō ai mo aú? ʻE kei lava koā ke u fanauʻi ha ongo tama ʻa ia ʻe lava ke na hoko ko hamo husepāniti?+

13 Nofo ʻi heni he poó ni, pea kapau te ne fakatau koe ʻi he pongipongí, ʻoku lelei! Tuku ke ne fakatau koe.+ Ka ʻo kapau ʻe ʻikai te ne fie fakatau koe, ʻoku ou fuakava ʻia Sihova ko e ʻOtua moʻuí, te u fakatau leva ʻe au koe. Tokoto hifo heni kae ʻoua kuo ʻaho.”