24 “ʻI he meʻa ko iá naʻá ne pehē ki he faʻahinga naʻe tuʻu aí, ‘Toʻo ʻa e miná meiate ia pea ʻoange ia ki he tokotaha ʻokú ne maʻu ʻa e mina ʻe hongofulú.’+ 25 Ka naʻa nau pehē kiate ia, ‘ʻEiki, ʻokú ne maʻu ʻe ia ʻa e mina ʻe hongofulu!’— 26 ‘ʻOku ou tala atu kiate kimoutolu, ko ia kotoa pē ʻokú ne maʻu ha meʻá, ʻe ʻoange ha meʻa lahi ange kiate ia, ka ko e tokotaha ʻoku ʻikai te ne maʻu ha meʻá, naʻa mo e meʻa ʻokú ne maʻú ʻe toʻo ia meiate ia.+